ដឹងអត់ថាគេងមិនគ្រប់គ្រាន់ ក៏អាចប៉ះពាល់ដល់ការមានកូនដែរ!

គេងមិនគ្រប់គ្រាន់ មិនត្រឹមតែប៉ះពាល់ដល់ប្រសិទ្ធភាពការងារប៉ុណ្ណោះទេ ប៉ុន្តែក៏អាចធ្វើឲ្យឱកាសមានកូនថយចុះដូចគ្នាដែរ។

តើការគេងប៉ះពាល់ដល់សុខភាពបន្តពូជយ៉ាងម៉េចខ្លះ?

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. ប៉ះពាល់ដល់អ័រម៉ូន

គ្នាយើងប្រហែលជាដឹងហើយថា ការគេងមិនគ្រប់គ្រាន់អាចប៉ះពាល់យ៉ាងខ្លាំងដល់ប្រសិទ្ធភាពការងារ ប៉ុន្តែបញ្ហានេះក៏ប៉ះពាល់ដល់ការបញ្ចេញអ័រម៉ូនរបស់ស្រីៗពេញមួយវដ្ដរដូវដូចគ្នា។ អ្នកដែលព្យាយាមយកកូន ចាំបាច់ត្រូវគេងឲ្យបានគ្រប់គ្រាន់ នៅចន្លោះពី៧ ទៅ៨ម៉ោង ដើម្បីពង្រឹងកម្រិតអ័រម៉ូនprogesterone, estrogen FSH និងleptin ដែលមានសារៈសំខាន់ណាស់សម្រាប់ការបន្តពូជ។

២. ប៉ះពាល់ដល់គុណភាពស៊ុត

មូលហេតុចម្បងដែលធ្វើឲ្យយើងគេងមិនលក់ នោះគឺឧបករណ៍អេឡិចត្រូនិកដែលយើងប្រើប្រាស់ជារៀងរាល់ថ្ងៃ។ ពន្លឺពណ៌ខៀវនៃឧបករណ៍ទាំងនោះ អាចប៉ះពាល់ដល់បរិមាណនៃអ័រម៉ូនmelatonin ដែលមានតួនាទីជួយឲ្យយើងគេងលក់ស្រួល និងការពារស៊ុត ដូច្នេះហើយ កង្វះអ័រម៉ូនមួយនេះ អាចធ្វើឲ្យគុណភាពស៊ុតថយចុះផងដែរ។

៣. ផលប៉ះពាល់នៃការងារវេនយប់

ជាមួយគ្នានេះដែរ ស្រីៗជាច្រើនដែលកំពុងធ្វើការវេនយប់ អាចមិនទាន់ដឹងច្បាស់ពីផលប៉ះពាល់មកលើរាងកាយយើងនៅឡើយ។ ជាទូទៅ ការធ្វើការវេនយប់អាចរំខានដល់ចង្វាក់សកម្មភាពប្រចាំថ្ងៃនៃរាងកាយយើង និងបណ្ដាលឲ្យមានបញ្ហាអតុល្យភាពអ័រម៉ូន កម្រិតអ័រម៉ូនestrogen ថយចុះ និងធ្វើឲ្យរដូវមកមិនទៀង។ កត្តាទាំងអស់នេះ អាចធ្វើឲ្យឱកាសនៃការមានផ្ទៃពោះធ្លាក់ចុះ។

គន្លឹះជួយឲ្យគេងលក់ស្កប់ស្កល់

ការគេងគ្រប់គ្រាន់មានសារៈសំខាន់ណាស់ ជាពិសេសចំពោះស្រីៗដែលកំពុងព្យាយាមយកកូន។ ហេតុនេះហើយ យើងគួរតែអនុវត្តតិចនិកមួយចំនួន ដើម្បីជួយឲ្យគេងលក់ស្រួល និងគេងបានគ្រប់គ្រាន់។

ចូលគេង និងក្រោកឲ្យទៀងម៉ោង
ជៀសវាងញ៉ាំអាហារច្រើនជ្រុល ឬពពួកភេសជ្ជៈដូចជា កាហ្វេអ៊ីន ឬគ្រឿងស្រវឹងនៅកៀកម៉ោងគេង
គេងក្នុងបន្ទប់ដែលមានសីតុណ្ហភាពត្រជាក់ល្មម ងងឹត និងស្ងប់ស្ងាត់ និងជៀសវាងប្រើប្រាស់ឧបករណ៍អេឡិចត្រូនិករយៈពេលយូរ មុនពេលជិតចូលគេង
ជៀសវាងគេងថ្ងៃយូរ
ហាត់ប្រាណជាទៀងទាត់ ដើម្បីជួយជំរុញការគេងឲ្យកាន់តែប្រសើរឡើង
គ្រប់គ្រងស្រ្តេសឲ្យបានល្អ ដោយការស្ដាប់ចម្រៀង ហាត់យូហ្គា អានសៀវភៅ ឬធ្វើសមាធិជាដើម។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ដឹងអត់ថាគេងមិនគ្រប់គ្រាន់ ក៏អាច​ប៉ះពាល់ដល់ការមានកូនដែរ!

តើ​ការ​គេង​ប៉ះពាល់​ដល់​សុខភាព​បន្ត​ពូជ​យ៉ាង​ម៉េច​ខ្លះ?

​​១. ប៉ះពាល់​ដល់​អ័រម៉ូន

២. ប៉ះពាល់​ដល់​គុណភាព​ស៊ុត

៣. ផល​ប៉ះពាល់​នៃ​ការងារ​វេន​យប់