ទម្លាប់រស់នៅប្រចាំថ្ងៃទាំង៥ អាចបណ្តាលឲ្យពិបាកមានកូន គ្នាយើងគួរប្រយ័ត្ន!

បញ្ហាអត់កូន ឬមានកូនយឺតយ៉ាវ អាចបណ្ដាលមកពីបែបបទរស់នៅប្រចាំថ្ងៃមួយចំនួន ដែលគ្នាយើងមើលរំលង។ ពិតណាស់ មនុស្សរាប់លាននាក់ទូទាំងពិភពលោកកំពុងតែប្រឈមនឹងបញ្ហាគ្មានកូននេះ ហើយស្រីៗដែលស្ថិតក្នុងហានិភ័យខ្ពស់មានដូចជា អ្នកដែលធាត់ជ្រុល មានជំងឺគីសទឹកក្រពេញអូវែ និងមានអាយុច្រើនជាដើម។ ចំណែកឯប្រុសៗវិញ អាចជួបនឹងបញ្ហាក្នុងការបញ្ចេញទឹកកាម ឬគ្មានមេជីវិតឈ្មោល។ យ៉ាងណាមិញ គ្នាយើងនៅតែអាចកាត់បន្ថយហានិភ័យនៃបញ្ហាអត់មានកូនបាន ដោយការផ្លាស់ប្ដូរទម្លាប់ប្រចាំថ្ងៃទាំង ៥យ៉ាងនេះ។

១. បែបបទរស់នៅមិនល្អ

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កត្តាផ្សេងៗដូចជាគេងមិនទៀងម៉ោង ស្រ្តេស ថប់បារម្ភ អង្គុយធ្វើការយូរម៉ោង ឬមិនធ្វើលំហាត់ប្រាណទាល់តែសោះ សុទ្ធតែអាចធ្វើឲ្យយើងធាត់ជ្រុល ប្រឈមនឹងវិបត្តិអ័រម៉ូន និងមានរដូវមិនទៀងទាត់ ដែលទាំងនេះជាហេតុនាំឲ្យយើងពិបាកក្នុងការមានកូន។

២. ញ៉ាំរបបអាហារមិនល្អ

ជាមួយគ្នានេះដែរ ការញ៉ាំអាហារបង្កក អាហារវេចខ្ចប់ដែលបន្ថែមសារធាតុរក្សាទុកឲ្យបានយូរ ស្ករ និងកាបូអ៊ីដ្រាតចម្រាញ់ច្រើន សុទ្ធតែអាចបង្កគ្រោះថ្នាក់ដល់សុខភាពយើងទាំងមូល ពីព្រោះអាហារទាំងនេះ ធ្វើឲ្យតុល្យភាពនៃពពួកបាក់តេរីធម្មតាក្នុងទ្វារមាសប្រែប្រួល។ ចំពោះស្រីៗយើង របបអាហារមិនល្អ អាចបង្កឲ្យមានដំណើរការខុសប្រក្រតីនៃការបញ្ចេញពងអូវុល និងរដូវមកយឺត ដែលជាឫសគល់នាំឲ្យយើងគ្មានកូន។

៣. កង្វះការយល់ដឹង

កង្វះការយល់ដឹងលើសុខភាពបន្តពូជក្នុងវ័យជំទង់ ក៏អាចបណ្ដាលឲ្យកើតជំងឺកាមរោគ និងនាំឲ្យមិនអាចមានកូនបាន ដោយសារបញ្ហាបំពង់ទឹកកាម។ មួយវិញទៀត គ្នាយើងខ្លះ មិនបានរួមភេទ ដោយសារតែវេនធ្វើការងារ ឬរស់នៅឆ្ងាយគ្នាពីដៃគូ ដែលទាំងនេះអាចបង្កជាផលវិបាកផ្សេងៗ។

៤. ប៉ះពាល់នឹងជាតិពុលក្នុងបរិយាកាស

ជាតិពុលក្នុងបរិយាកាស ជាមូលហេតុចម្បងមួយដែលបង្កឲ្យកើតជំងឺគីសទឹកក្រពេញអូវែលើស្ត្រី និងកាត់បន្ថយបរិមាណ និងគុណភាពនៃមេជីវិតឈ្មោលលើបុរស។ ចំណែកឯការមករដូវមុនអាយុ១០ឆ្នាំ ក៏បណ្ដាលមកពីការបំពុលបរិយាកាសនេះដែរ។

៥. ជក់បារី និងផឹកគ្រឿងស្រវឹង

ការជក់បារី និងផឹកគ្រឿងស្រវឹង ព្រមទាំងកត្តាវិទ្យុសកម្ម អាចកាត់បន្ថយបរិមាណមេជីវិតឈ្មោល និងបំផ្លាញDNAរបស់មេជីវិតឈ្មោល។ ស្របពេលដែលស្រីៗដែលជក់បារី ប្រឈមនឹងការធ្លាក់ចុះនៃចំនួនស៊ុតញីកាន់តែលឿនជាងធម្មតា ដែលអាចនាំឲ្យឆាប់អស់រដូវនៅវ័យក្មេង ដែលជាធម្មតាវ័យអស់រដូវនៅចន្លោះ ៤៥ឆ្នាំ ទៅ៥៥ឆ្នាំ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ទម្លាប់រស់នៅប្រចាំថ្ងៃទាំង៥ អាចបណ្តាលឲ្យពិបាកមានកូន គ្នាយើងគួរប្រយ័ត្ន!

១. បែបបទ​រស់នៅ​មិន​ល្អ

២. ញ៉ាំ​របប​​អាហារ​មិន​ល្អ

៣. កង្វះ​ការ​យល់​ដឹង

៤. ប៉ះពាល់​នឹង​ជាតិ​ពុល​ក្នុង​បរិយាកាស

៥. ជក់​បារី និង​ផឹក​គ្រឿង​ស្រវឹង

In Case You Missed It

១. បែបបទរស់នៅមិនល្អ

២. ញ៉ាំរបបអាហារមិនល្អ

៣. កង្វះការយល់ដឹង

៤. ប៉ះពាល់នឹងជាតិពុលក្នុងបរិយាកាស

៥. ជក់បារី និងផឹកគ្រឿងស្រវឹង