ខេត្តព្រះសីហនុ៖ (ដំណឹងបឋម) សមត្ថកិច្ចឲ្យដឹងថា ទូកមួយគ្រឿងដែលមានមនុស្សជិះច្រើននាក់ជាជនជាតិចិន បានលិចនៅក្នុងលម្ហសមុទ្រនៅចន្លោះពយសារឿងនិងកោះតាង វេលាម៉ោងជិត ៤ ល្ងាចថ្ងៃទី២២ខែកញ្ញាឆ្នាំ២០២២។

ក្រោយទទួលបានពត៌មាននេះ សមត្ថកិច្ចនាយកដ្ឋាននគរបាលការពារព្រំដែនទឹក និងក្រុមសង្គ្រោះបានចេញទៅអន្តរាគមន៌សង្រ្គោះ ក្នុងនោះជាបឋម សមត្ថកិច្ចនិងក្រុមសង្គ្រោះជួយសង្រ្គោះមនុស្សបានចំនួន១៨នាក់ និងបន្តស្វែងរកបន្ថែមទៀត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមប្រភពដដែលបានបន្តទៀតថា ជនរងគ្រោះនៅបាត់ខ្លួន ដែលតាមសមត្ថកិច្ចបញ្ជាក់ថានៅបាត់ខ្លួនចំនួន ២៣ នាក់ទៀត នេះតាមការបំភ្លឺពីអ្នករួមដំណើរលើទូកឈ្មោះ CHENGui Sheng ជនជាតិចិន ភេទប្រុស ជាតំណាងជនរងគ្រោះ ដែលបានលិចទូកនោះបានប្រាប់សមត្ថកិច្ចថា ទូកនេះបានធ្វើដំណើរចេញពីប្រទេសចិន(កំពង់ផែក្វាង ចូវ) តាមរយៈកប៉ាលលឿន ០១ គ្រឿង។

សាក្សីក៏បានលើកឡើងទៀត ពួកគេ បានចេញដំណើរ តាំងថ្ងៃទី ១១ ខែកញ្ញា ឆ្នាំ២០២២ ហើយបានសាងមកទូកឈើ ០១ គ្រឿង នៅអំឡុងថ្ងៃទី ១៧ ខែកញ្ញាឆ្នាំ២០២២ នៅសមុទ្រអន្តរជាតិ ជាមួយតៃកុង ទូកជនជាតិខ្មែរចំនួន ០២ នាក់ និងបានបន្តនៅលើទូកឈើនោះរហូតដល់ថ្ងៃទី ២២ ខែកញ្ញា ឆ្នាំ២០២២ម្សិលមិញនេះ។

ទៀតសោត ទូកឈើនោះខូចក៏ចាប់ផ្តើមលិចបន្តិចម្តង ៗ ទើបមានទូកនេសាទ ១ គ្រឿងប្រភេទទូក អូសពណ៌បៃតង មានមនុស្សចំនួន ០៦ នាក់ បានមកទទួលយកតៃកុងខ្មែរ ០២ នាក់នោះចេញទៅបាត់ ដោយទុកតែអ្នកធ្វើដំណើរនៅលើទូក ក្រោយមកទូកនេះក៏បានលិចបាត់នេះនៅកណ្តាលសមុទ្រ ។ ទោះជាយ៉ាងនេះក្តី ករណីនេះសមត្ថកិច្ចកំពុងស្រាវជ្រាវបន្ត និងស្វែងរកអ្នកដែលកំពុងបាត់ខ្លួន៕

ប្រភព៖ Huy Bunleng News

សូមទស្សនារូបភាពខាងក្រោម៖

រូបភាព
រូបភាព
វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]