បាត់ដំបង៖ កាលពីថ្មីៗនេះ មានការភ្ញាក់ផ្អើលជាខ្លាំង បន្ទាប់ពីបុរសម្នាក់ បានបើករថយន្តជ្រុលធ្លា.ក់.ទឹកក្នុង «អាងកំពីងពួយ» ទាំងកណ្ដាលយប់ ដោយពុំមានអ្នកណាម្នាក់ដឹង បណ្ដាលឲ្យ.ស្លា.ប់. នៅក្នុងរថយន្តយ៉ាងអាណោចអធ័ម កាលពីវេលាម៉ោង១០យប់ ថ្ងៃទី២៦ ខែកញ្ញា ឆ្នាំ២០២២ នៅចំណុចភូមិតាង៉ែន ឃុំតាគ្រាម ស្រុកបាណន់ ដែលគេសង្ស័យថា ជនរងគ្រោះទំនង ស្ថិតក្នុងស្ថានភាពស្រវឹងផង។
ក្នុងនោះ លោកអធិការស្រុកបាណន់ បានឲ្យដឹងថា ជនរងគ្រោះខាងលើមានឈ្មោះ ហេង បណ្ឌិត ភេទប្រុស អាយុ២៨ឆ្នាំ រស់នៅភូមិចំការឬស្សី សង្កាត់ព្រែកព្រះស្ដេច ក្រុងបាត់ដំបង។ ហើយជនរងគ្រោះបានបើករថយន្តម៉ាក ISUZU. DMAX ពណ៌ស ពាក់ស្លាកលេខ បាត់ដំបង 2G-9989។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបន្ថែមពីនេះ លោកអធិការបានបញ្ជាក់ថា ជនរងគ្រោះបានបើករថយន្តម្នាក់ឯង ដែលទំនងស្ថិតក្នុងស្ថានភាពស្រវឹងផង បានជ្រុលធ្លា.ក់ទឹកអាងកំពីងពួយ នៅពេលព្យាយាមបើកឡើងលើ ទំនប់អាងកំពីងពួយ។ លោកថា គ្មាននរណាម្នាក់បានដឹងហេតុការណ៍នេះភ្លាមៗទេ លុះនៅព្រឹកថ្ងៃទី ២៧ ខែកញ្ញា ទើបមានអ្នកដឹង ហើយមានការភ្ញាក់ផ្អើល ដោយសារឃើញតួរថយន្តលិច នៅក្នុងទឹកសល់តែដំបូលតែប៉ុណ្ណោះ។
ប្រភពដដែលបានឲ្យដឹងទៀតថា លុះយប់ជ្រៅបន្តិច ពួកគេក៏បានបែកគ្នាចេញដំណើរទៅផ្ទះរៀងៗខ្លួន។ ដោយជនរងគ្រោះបានបើករថយន្តម្នាក់ឯងចេញពីកន្លែងផឹកស៊ីនោះ ហើយក៏បានព្យាយាមបើកឡើងលើទំនប់អាងកំពីងពួយ ដើម្បីត្រឡប់ទៅផ្ទះ តែបានជ្រុលចង្កូតហួសទៅធ្លាក់ទឹកអាងទាំងកណ្ដាលយប់ ដោយពុំមានអ្នកដឹងឡើយ លុះព្រឹកឡើងទើបមានអ្នកដឹងផ្អើលឆោឡោ ដោយសារឃើញដំបូលរថយន្តពណ៌សប៉ប្រះទឹក។
ជាមួយគ្នានេះ បើតាមការពិនិត្យមើលស្ថានភាព នៃការស្លា.ប់នៅក្នុងរថយន្ត ជនរងគ្រោះទំនងបានព្យាយាមបើកទ្វាររថយន្ត ដើម្បីចេញក្រៅ តែទ្វាររថយន្តជាប់ឡុកទាំងអស់ ទើបជនរងគ្រោះថប់ខ្យល់ស្លា.ប់យ៉ាងអាណោចអធ័មនៅក្នុងរថយន្តតែម្ដង។ សមត្ថកិច្ច និងក្រុមគ្រួសារជនរងគ្រោះ បានអូសរថយន្តឡើងពីក្នុងទឹក និងបានប្រគល់សាកស.ពជនរងគ្រោះឲ្យទៅក្រុមគ្រួសារយកទៅធ្វើបុណ្យតាមប្រពៃណីហើយ ក្រោយមន្ត្រីបច្ចេកទេសបញ្ចប់ការត្រួតពិនិត្យ៕
ប្រភព៖ កោះសន្តិភាព
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
