ដើម្បីធានាថា ម៉ាក់ និងកូនក្នុងផ្ទៃមានសុខភាពល្អ ការពិនិត្យផ្ទៃពោះអំឡុងពេលមានគភ៌មានសារៈសំខាន់ណាស់ ពីព្រោះម៉ាក់អាចមានសំនួរ និងចម្ងល់ជាច្រើនពាក់ព័ន្ធនឹងរាងកាយ ការលូតលាស់របស់កូនក្នុងផ្ទៃ និងការថែទាំចាំបាច់ណាមួយ។ តើម៉ាក់គួរទៅជួបគ្រូពេទ្យសម្ភពនៅពេលណាល្អ ក្រោយដឹងថាខ្លួនមានផ្ទៃពោះ?
ពិនិត្យផ្ទៃពោះឲ្យបានឆាប់រហ័ស តាមដែលអាចធ្វើបាន
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សពិតណាស់ ម៉ាក់គួរណាត់ជួបជាមួយនឹងគ្រូពេទ្យ ក្រោយពេលដែលដឹងថាខ្លួនមានផ្ទៃពោះភ្លាមៗ ទើបជាការប្រសើរ។ ស្របពេលដែលស្ត្រីជាច្រើនចាប់ផ្ដើមពិនិត្យផ្ទៃពោះនៅសប្ដាហ៍ទី៨ ម៉ាក់ៗគួរទៅពិនិត្យផ្ទៃពោះឲ្យបានឆាប់រហ័សជាងនេះ បើស្ថិតក្នុងហានិភ័យខ្ពស់ដូចជា៖
- មានអាយុច្រើន
- មានជំងឺប្រចាំកាយ
- ធ្លាប់ជួបផលវិបាកនៃការមានផ្ទៃពោះ
- មានរោគសញ្ញា ដូចជាឈឺពោះ ឬធ្លាក់ឈាមតាមទ្វារមាស
ការណាត់ជួបពិនិត្យផ្ទៃពោះជាលើកដំបូង មានរយៈពេលយូរជាងការពិនិត្យផ្ទៃពោះលើកក្រោយៗទៀត ពីព្រោះគ្រូពេទ្យអាចធ្វើការពិនិត្យរាងកាយ អាងត្រគាក និងប្រវត្តិជំងឺរបស់យើង។ បន្ថែមពីនេះ ម៉ាក់ក៏អាចធ្វើតេស្តPap smear និងតេស្តផ្សេងទៀត ដូចជាតេស្តឈាម តេស្តរកជំងឺកាមរោគ និងតេស្តទឹកនោម។ ក្នុងដំណាក់កាលដំបូងនៃការពពោះ គ្រូពេទ្យជំនាញនឹងណែនាំពីអាហារូបត្ថម្ភត្រឹមត្រូវ ការធ្វើលំហាត់ប្រាណ ព្រមទាំងការញ៉ាំវីតាមីនរក្សាគភ៌ ដើម្បីទ្រទ្រង់សុខភាព និងការលូតលាស់របស់គភ៌។
អនុវត្តតាមកាលវិភាគនៃការណាត់ជួបគ្រូពេទ្យ
ក្នុងករណីដែលយើងមិនមានផលវិបាក ឬបញ្ហាសុខភាពណាមួយការពិនិត្យផ្ទៃពោះអាស្រ័យលើការវាយតម្លៃ និងការណាត់ជួបរបស់គ្រូពេទ្យ ហើយស្រ្តីខ្លះអាចត្រូវពិនិត្យផ្ទៃពោះរហូតដល់ ១០ទៅ១៥ដង ក្នុងអំឡុងពេលពពោះក៏មាន។ស្ត្រីពពោះភាគច្រើន អាចណាត់ជួបពិនិត្យផ្ទៃពោះតាមទៅពេលវេលាទាំងនេះ៖
- ៤សប្ដាហ៍ម្ដង អំឡុងពេលពពោះសប្ដាហ៍ទី៤ ដល់២៨
- ២សប្ដាហ៍ម្ដង អំឡុងពេលពពោះសប្ដាហ៍ទី៣៦ ដល់៤០
- ១សប្ដាហ៍ម្ដង អំឡុងពេលពពោះសប្ដាហ៍ទី៣៦ ដល់៤០។
យ៉ាងណាមិញ ការពិនិត្យផ្ទៃពោះជាក់ស្ដែង អាស្រ័យលើលក្ខខណ្ឌសុខភាពរបស់ម៉ាក់ៗផ្ទាល់ ឬបញ្ហាដទៃទៀត ដែលពាក់ព័ន្ធនឹងហានិភ័យខ្ពស់នៃផលវិបាកអំឡុងពេលពពោះ។
ការពារសុខភាពរបស់គភ៌
ទោះបីជាយើងមានសុខភាពល្អ និងគ្មានផលវិបាកអំឡុងពេលពពោះក៏ដោយ យើងនៅតែចាំបាច់ពិនិត្យផ្ទៃពោះជាទៀងទាត់ ដើម្បីជួយទ្រទ្រង់សុខភាពម៉ាក់ និងទារកក្នុងផ្ទៃ។
ផ្ទុយទៅវិញ បើយើងមិនថែទាំផ្ទៃពោះឲ្យបានល្អ អំឡុងពេលមានគភ៌ទេនោះ ទារកអាចប្រឈមហានិភ័យនៃបញ្ហាកើតមិនគ្រប់គីឡូ ឬកូនលូតលាស់យឺតជាដើម។
បន្ថែមពីនេះ ការពិនិត្យផ្ទៃពោះជាទៀងទាត់ ក៏អាចឲ្យម៉ាក់ៗដឹងពីសញ្ញានៃជំងឺទឹកនោមផ្អែម ជំងឺស្លេកស្លាំង ឬសម្ពាធឈាមខ្ពស់ ដែលអាចបង្កគ្រោះថ្នាក់ដល់សុខភាពម៉ាក់ និងទារកថែមទៀតផង។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
