ក្រោយព្យុះទីហ្វុង Noru បានឆ្លងកាត់ ខេត្តមួយចំនួនត្រូវទឹកជំនន់ នឹងរងការខូចខាតក្នុងប្រទេសវៀតណាម

វៀតណាម៖ ក្នុងរយៈពេលតែប៉ុន្មានម៉ោងប៉ុណ្ណោះ ខេត្តនានាចាប់ពីខេត្ត Thua Thien Hue និងខេត្ត Binh Dinh រកបានវាយប្រហារ ពីព្យុះសង្ឃរា Noru ដែលត្រូវបាន គេរាប់បញ្ចូល ជាព្យុះខ្លាំងបំផុតក្នុងរយៈពេល ២០ ឆ្នាំចុងក្រោយនេះ ដែលបានវាយប្រហារប្រទេសមួយនេះ។

យ៉ាងណាមិញ ក្រោយពីព្យុះមួយនេះ បានវាយប្រហាររួច ខេត្តមួយចំនួន ទទួលរងនូវគ្រោះមហន្តរាយធម្មជាតិយ៉ាងធ្ងន់ធ្ងរទឹកជំនន់ ជន់លិចយ៉ាងដំណំ ដើមឈើរំលំដួលតាមផ្លូវជាច្រើនកន្លែង មិនត្រឹមតែប៉ុណ្ណោះ ផ្លូវជាច្រើនខ្សែត្រូវបានបិទ ចរន្តអគ្គីសនីត្រូវបានកាត់ផ្តាច់ ដែលត្រូវបានបង្ខំឲ្យប្រជាពលរដ្ឋ ចម្លៀសចេញពីលំនៅដ្ឋាន រាប់សែននាក់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បន្ថែមពីនេះ អ្នកជំនាញឧតុនិយមទាំងអស់បាននិយាយថា ព្យុះទីហ្វុង Noru ត្រូវបានគេចាត់ទុកថា ជាព្យុះដែលមានកម្លាំងខ្លាំង ដែលអាចប្រៀបធៀបទៅនឹងព្យុះទីហ្វុង Xangsane ក្នុងឆ្នាំ ២០០៦ បើនិយាយពីកម្លាំងពិតជាខ្លាំងមិនធម្មតា៕

ប្រភព៖ Zing

សូមទស្សនារូបភាពខាងក្រោម៖