រៀបការថ្មីរួច ក្លាយជានារីសំណាង សាន់ឆាយ ត្រូវស្វាមី តាមមើលថែគ្រប់ពេល

តៃវ៉ាន់៖​ កាលពីថ្ងៃទី ២៨ ខែកញ្ញាកន្លងទៅនេះ យោងតាមសារព័ត៌មាន ETtoday បានលើកឡើងពី ពិធីការិនី Dee Hsu ដែលត្រូវបានគេស្គាល់ថា ជាប្អូនស្រីរបស់ តារាស្រី Barbie Hsu បានចូលរួមក្នុងកម្មវិធីពាណិជ្ជកម្មមួយ និងបានផ្តល់បទសម្ភាសន៍ដល់ប្រព័ន្ធផ្សព្វផ្សាយ ចែករំលែកពីជីវិតរៀបការរបស់ បងស្រី នាង Barbie Hsu ។

ក្នុងនោះដែរ ប្អូនស្រីរបស់ Barbie Hsu បាននិយាយរៀបរាប់ថា Barbie Hsu និង លោក DJ Koo កំពុងជួបប្រទះនឹង ជីវិតប្ដីប្រពន្ធថ្មីថ្មោងដ៏ផ្អែមល្ហែម ព្រមទាំងចាត់ទុកអ្នកទាំងពីរ ដូចជា​គូស្នេហ៍​វ័យ​ក្មេង​ ដែល​ទើប​តែ​ផ្ដើមស្នេហ៍គ្រាដំបូង ខណៈដែល លោក DJ Koo តែង​តែ​សម្តែង​មនោសញ្ចេតនា ស្រឡាញ់​រាប់អាន និង​បង្ហាញ​ក្តី​ស្រឡាញ់​ចំពោះ​ភរិយា ជានិច្ច។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនេះ ប្អូនស្រីរបស់តារាស្រី Barbie Hsu ក៏បានបន្តថា បងស្រីរបស់ខ្លួន មិនចូលចិត្តចេញទៅក្រៅទេ ហើយខណៈពេល​ដែល ​នាង​មិនបាននៅ​មើល​ថែ​កូន​ទាំង​ពីរនោះ នាងក៏មានពេលទំនេរលំហែ គេងលើ​គ្រែ មើល​កុន និង​ញ៉ាំ​អាហារ។

ជាពិសេស រាល់ពេលដែល Barbie Hsu ចង់ក្រោកពីដំណេក នាងនឹងហៅស្វាមីរបស់ខ្លួន មកលើកនាងឡើង។ ហើយប្រសិនបើនាងត្រូវការអ្វីនោះ ស្វាមីរបស់នាង នឹងបម្រើនាង ទៀតផង ព្រមជាមួយនឹងការលើកឡើងថា នាងត្រូវបានស្វាមីមើលថែ ដូចជាព្រះនាងម្ចាស់ ៕

ប្រភព៖ Zingnews

សូមទស្សនារូបភាពខាងក្រោម៖ 

• តារាចិន