ភ្លេចៗខ្លួន នៅតែ២ថ្ងៃទៀតទេ «The Voice Kids» រដូវកាលថ្មី ចាប់ផ្តើមចាក់ផ្សាយហើយ!​ (មានវីដេអូ)

ភ្នំពេញ៖ កម្មវិធីប្រឡងចម្រៀងកុមារដ៏ពេញនិយមលំដាប់ពិភពលោក «The Voice Kids Cambodia» រដូវកាលទី៣ ចាប់ផ្ដើមហើយ ដោយការចាក់ផ្សាយវគ្គគោះប៊ូតុងបង្វិលកៅអី ឬវគ្គ Judge Audition នឹងដំណើរការចាក់ផ្សាយនៅថ្ងៃទី ០១ ខែតុលា ឆ្នាំ២០២២ ខាងមុខនេះ ពោលគឺនៅសល់តែ ២ថ្ងៃទៀតប៉ុណ្ណោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ភាពអស្ចារ្យ ទស្សនីយភាពប្លែក ក្ដីរំភើប ការបង្ហាញសមត្ថភាពរប់កុមារកម្ពុជា សង្គ្រាមពាក្យសម្ដីរបស់គ្រូបង្វិកប្រើគ្រប់មធ្យោបាយ ដើម្បីទទួលបានកូនក្រុមដ៏មានសមត្ថភាពកាន់ដៃគ្នារួមដំណើរជាមួយគ្នាឆ្ពោះទៅរកការដណ្ដើមពានរង្វាន់។

តើគ្រូបង្វិករូបណានឹងមានវិធីសាស្ត្របែបណា ដើម្បីបញ្ចុះបញ្ចូលកុមារដែលមានសមត្ថភាពទៅក្នុងក្រុមរបស់ខ្លួន?

រង់ចាំទស្សនាសង្គ្រាមរដូវកាលថ្មី ជាសង្គ្រាមដណ្ដើមកុមារដែលមានសម្លេងពិរោះ និងមានសមត្ថភាពសាកសមនឹងទទួលបានឱកាសឆ្ពោះទៅកាន់វគ្គបន្តបន្ទាប់។

នេះជារដូវកាលថ្មី នេះជាប្រវត្តិសាស្ត្រថ្មីសម្រាប់ការប្រឡងចម្រៀងកុមារដែលទទួលបានការគាំទ្រ និងទទួលបានភាពជោគជ័យ ២រដូវកាលមកហើយ ដោយរដូវកាលទី១ ម្ចាស់ជ័យលាភីបានទៅលើ ពេជ្រ ថៃ រដូវកាលទី២ បានទៅលើ ទេព ពិសិដ្ឋ។

កុំភ្លេចរង់ចាំតាមដានទស្សនាទាំងអស់គ្នា នៅលើកញ្ចក់ទូរទស្សន៍ហង្សមាស HDTV ចាប់ពីថ្ងៃទី ១ ខែតុលា រៀងរាល់ថ្ងៃសៅរ៍ វេលាម៉ោង ៨ យប់៕