ចឹងតើ បានជាបេក្ខភាព The Voice Kid វ័យត្រឹម៧ឆ្នាំសោះ តែពូកែដល់ថ្នាក់នេះ

រាជធានីភ្នំពេញ ៖ ជឿជាក់ថាអ្នកលេងបណ្តាញសង្គមជ្រាបច្បាស់ថា កុមារី កែវ ហ្សាណា ដែលទើបនឹងចូលប្រឡងក្នុងវគ្គ Blind Auditionសប្តាហ៍ទី១ ក្នុងកម្មវិធី The Voice Kid រដូវកាលទី៣ កាលពីពេលថ្មីៗនេះ ទទួលសន្ទុះនៃការគាំទ្រខ្លាំងក្លាមិនគួរឲ្យជឿទាល់តែសោះ។

អ្វីដែលធ្វើឲ្យគេឯងពេញចិត្តនឹងកុមារីរូបនេះ ដោយសារតែ ភាពក្លាហាននិងទំនុកចិត្ត អាយុត្រឹមតែ៧ឆ្នាំសោះ តែឡើងឆាកបកស្រាយចម្រៀងដោយគ្មានញញើតសូម្បីបន្តិច ជាងនេះទៅទៀត នៅបញ្ចេញក្បាច់រាំមិនចាញ់មនុស្សចាស់ប៉ុន្មានឡើយ ស្វាហាប់គ្រប់ជំហានតែម្តង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនេះទៅទៀត ក្រៅពីច្រៀង និងរាំហើយនោះ កុមារីរូបនេះនៅចេះដើរបង្ហាញម៉ូតយ៉ាងស្ទាត់ជំនាញ ដែលធ្វើឲ្យគេឯងឆ្ងល់ជាខ្លាំង ព្រោះតាមមើលដំណើរដើរម៉ូតគឺច្បាស់ណាស់ថាឆ្លងកាត់ការបង្រៀនត្រឹមត្រូវ ព្រោះជំហាននីមួយៗស្របតាមចង្វាក់ភ្លេង សមជាអ្នកបង្ហាញម៉ូតវ័យក្មេងជាខ្លាំង។ តើកុមារីរូបនេះមានដុងពីកំណើត ឬមួយឆ្លងកាត់ការបង្រៀន?។

ការពិតនោះគឺ កុមារីរូបនេះជាកូនសិស្សរបស់«ព្រះកាយច័ន្ទក្លឹប» ហេតុដូច្នេះហើយទើបពូកែថ្នាក់នេះ។ អ្វីដែលកាន់តែពិសេសនោះគឺ កុមារីរូបនេះមានជំនាញខាងរបាំបុរាណ និងរាំK-pop ថែមទៀតផង។

គួរបញ្ជាក់ផងដែរថា បេក្ខភាពក្នុងការប្រឡង មិនថាដើរម៉ូតឬបង្ហាញសមត្ថភាពលើកញ្ចក់ទូរទស្សន៍ ភាគច្រើនកុមារីនិងយុវវតីមានសមត្ថភាពខាងសិល្បៈភាគច្រើនគឺ ធ្លាប់ទទួលការសិក្សានិងបង្វឹកនៅក្លឹបរបស់តារាសម្តែងស្រី ព្រះកាយច័ន្ទ៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖

• ការងារ
• ជីវិត
• រូបភាព
• តារាខ្មែរ