ក្រែមបន្ទន់សក់មិនបាច់លាងជម្រះខុសពីក្រែមបន្ទន់សក់ធម្មតាដោយសារបន្ទាប់ពីកក់សក់រួច យើងគ្រាន់តែលាប ឬបាញ់លើសក់ ហើយទុកចោល មិនបាច់លាងចេញទេ។ តោះមកដឹងពីអត្ថប្រយោជន៍នៃក្រែមបន្ទន់សក់មិនបាច់លាងជម្រះ និងវិធីធ្វើទាំងអស់គ្នា!
ក្រែមបន្ទន់សក់មិនបាច់លាងជម្រះជួយផ្តល់សំណើម និងថែរក្សាសក់យើងឱ្យមានសុខភាពល្អ រលាស់ និងរលោង ជាពិសេសសម្រាប់អ្នកដែលមានសក់ស្ងួត សំពោង និងខូច។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយើងគ្រាន់តែដាក់ធាតុផ្សំទាំងអស់សម្រាប់ធ្វើក្រែមបន្ទន់សក់មិនបាច់លាងជម្រះចូលក្នុងដប់ដែលមានគម្របសម្រាប់បាញ់ រួចក្រឡុកឱ្យសព្វ ហើយបាញ់លើសក់ឱ្យសព្វបន្ទាប់កក់សក់រួចជាការស្រេច។
ខាងក្រោមនេះជារូបមន្តធ្វើក្រែមបន្ទន់សក់មិនបាច់លាងជម្រះ ៤ ប្រភេទ៖
១. រូបមន្តប្រទាលកន្ទុយក្រពើ
- ទឹកប្រទាលកន្ទុយក្រពើ ១ ពែង
- ប្រេងផ្លែបឺរ ឬប្រេងអូលីវ ១ ស្លាបព្រាបាយ
- ប្រេងក្រអូប ៥-១០ ដំណក់ (មិនដាក់ក៏បាន)
ប្រទាលកន្ទុយក្រពើល្អចំពោះសក់ស្ងួត និងខូចដោយធ្វើឱ្យសក់ទន់ មានសំណើម ហើយជួយឱ្យសក់ដុះលូតលាស់។
២. រូបមន្តតែបៃតង
- តែបៃតង ១/៤ ពែង (ទុកឱ្យត្រជាក់)
- ទឹកក្រូចឆ្មារ ១/៤ ពែង
- ជែលប្រទាលកន្ទុយក្រពើ ១ ស្លាបព្រាបាយ
- ប្រេងក្រអូប ៥-៨ ដំណក់ (មិនដាក់ក៏បាន)
តែបៃតងសម្បូរទៅដោយសារធាតុប្រឆាំងអុកស៊ីតកម្ម ល្អសម្រាប់សក់ស្ងួត និងខូចដោយសារពន្លឺថ្ងៃ។ ក្រែមបន្ទន់សក់នេះនឹងធ្វើឱ្យឫសសក់មានសុខភាពល្អ និងធ្វើឱ្យសក់ភ្លឺរលោងឡើងវិញ។
៣. រូបមន្តប្រេងដូង
- ប្រេងដូង (សុទ្ធ) ១ ស្លាបព្រាបាយ
- ប្រេង castor ១ ស្លាបព្រាបាយ (មិនដាក់ក៏បាន)
- ទឹកតែបៃតង ១ ពែង (ទុកឱ្យត្រជាក់)
- ប្រេងក្រអូប ២-៥ ដំណក់ (មិនដាក់ក៏បាន)
ប្រេងបន្ទន់សក់នេះជួយផ្តល់សំណើមដល់សក់ ល្អសម្រាប់សក់ខូចបែកចុង និងស្បែកក្បាលដែលកើតអង្គែ។
៤. រូបមន្តវីតាមីន E
- វីតាមីន E ២ គ្រាប់
- ជែលប្រទាលកន្ទុយក្រពើ ២ ស្លាបព្រាបាយ
- រេងអូលីវ ១ ស្លាបព្រាបាយ
- ទឹក ១/៣ ពែង
វីតាមីន E ជួយកាត់បន្ថយបញ្ហាសក់បែកចុង និងជួយឱ្យសក់មានទម្ងន់ និងភ្លឺរលោង។
ក្រែមបន្ទន់សក់មិនបាច់លាងជម្រះតាមបែបធម្មជាតិមិនត្រឹមតែជួយបំប៉នសក់យើងឱ្យមានសុខភាពល្អទេ ថែមទាំងងាយស្រួលប្រើ គ្មានសារធាតុគីមី គ្មានជាតិពណ៌ និងគ្មានសារធាតុរក្សាទុកដែលប៉ះពាល់ដល់សុខភាពយើងផងដែរ។
ចំណុចសំខាន់
– ក្រែមបន្ទន់សក់មិនបាច់លាងជម្រះខុសពីក្រែមបន្ទន់សក់ធម្មតាដោយសារយើងមិនបាច់លាងចេញទេ។– របៀបធ្វើក្រែមបន្ទន់សក់មិនបាច់លាងជម្រះតាមធម្មជាតិ ៤ យ៉ាងជួយថែរក្សា និងបំប៉នសក់ឱ្យមានសុខភាពល្អឡើងវិញ៖
- រូបមន្តប្រទាលកន្ទុយក្រពើ
- រូបមន្តតែបៃតង
- រូបមន្តប្រេងដូង
- រូបមន្តវីតាមីន E
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
