ថៃឲ្យប្រជាជន ធ្វើការពីផ្ទះរហូតដល់ថ្ងៃសុក្រ ខណៈទឹកជំនន់ឡើងទប់មិនជាប់

ថៃ៖ អភិបាលរងក្រុងបាងកកលោក Tavida Kamolvej បាននិយាយកាលពីថ្ងៃអង្គារថា ទន្លេចៅប្រាយ៉ាអាចហក់ឡើងចាប់ពីថ្ងៃពុធនេះ ដោយសារតែការកើនឡើងនៃជំនោរ គួបផ្សំនឹងទឹកហូរតាមខ្សែទឹក និងភ្លៀងធ្លាក់ខ្លាំងដែលរងឥទ្ធិពល ដោយខ្យល់មូសុងនិរតី។

តាមប្រភពដដែលបានបន្តទៀតថា អភិបាល កំពុង​ព្យាយាម​គ្រប់​គ្រង​កម្រិត​ទឹកចៅ​ប្រាយ៉ា ដើម្បី​ត្រៀម​ទឹក​ភ្លៀង នឹងធ្លាក់បន្ថែម​នៅ​ពីរ​បី​ថ្ងៃ​ខាង​មុខ។ ទោះយ៉ាងណាក៏ដោយ ប្រសិនបើទឹកច្រើនពេកមិនអាច ចូលទៅក្នុងឈូងសមុទ្រទាន់ពេលទេនោះ ទឹកទន្លេអាចហៀរ និងជន់លិចសហគមន៍ ផ្ទះប្រជាពលរដ្ឋ តាមដងទន្លេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយក្នុងនោះ គេក៏បាន​​ស្នើ​ដល់​ភ្នាក់ងារ​រដ្ឋាភិបាល និង​ក្រុមហ៊ុន​ឯកជន​អនុញ្ញាត​ឲ្យ​បុគ្គលិក​របស់​ពួកគេ​ធ្វើ​ការ​ពី​ផ្ទះ​ចាប់​ពី​ថ្ងៃ​ទី ៥ ដល់​ថ្ងៃ​ទី ៧ ខែ​តុលា ដោយវិធានការនេះត្រូវបានគេរំពឹងថានឹងជួយកាត់បន្ថយការកកស្ទះចរាចរណ៍ និងជួយមនុស្សភាគច្រើនពីការជាប់គាំង ដោយសារភ្លៀងធ្លាក់ខ្លាំង និងទឹកជំនន់។

នាយកដ្ឋានឧតុនិយមថៃ បានព្យាករណ៍ទុកមុនថា កម្ពស់ទឹក នឹងឡើងខ្ពស់នៅទន្លេចៅប្រាយ៉ា ចាប់ពីថ្ងៃនេះ ថ្ងៃពុធ ដល់ថ្ងៃព្រហស្បតិ៍ សប្តាហ៍ក្រោយ (១៣ តុលា) ​នឹង​ធ្វើឱ្យ​ទឹកទន្លេ​កើនឡើងកម្ពស់​ពី ១,៧ ទៅ ២ ម៉ែត្រ​ បើសិន​ភ្លៀង​ធ្លាក់​ខ្លាំង​ ដែល​រង​ឥទ្ធិពល​ដោយ​ខ្យល់មូសុង​និរតី៕

ប្រភព៖ nationthailand

សូមទស្សនារូបភាពខាងក្រោម៖