ប្ដីមុនមានក្ដីសុខហើយ អតីតប្រពន្ធ Kelly បង្អួតស្នេហ៍ថ្មី ឡើងផ្អែមល្ហែម

ថៃ៖ អាចនិយាយបានថា ហ្វេនៗជាច្រើនកំពុងតែតាមដាន ទៅលើរឿងរ៉ាវរបស់ តារាស្រី Nine Chanuchtra ដែលជា អតីតភរិយា លោក Kelly Thanapat បន្ទាប់ពី នាងបង្ហើបថា ខ្លួនមិនបាននៅលីវទៀតទេ ព្រមទាំងកំពុងមានស្នេហាជាមួយបុរស ក្រៅសិល្បៈម្នាក់។

នៅទីបំផុត កាលពីថ្មីៗនេះ តារាស្រីរូបនេះ ក៏បានសម្រេចចិត្ត បើកបង្ហាញរូបភាព ដែលចាត់ទុកថា ជាការបង្ហាញមុខមាត់របស់មិត្តប្រុសខ្លួនយ៉ាងច្បាស់ៗ នៅលើបណ្ដាញសង្គម។ ជាពិសេស នៅក្នុងនោះ អ្នកទាំងពីរ ថែមទាំងបានបញ្ចេញនូវសកម្មភាពល្អូកល្អើន ឱបកៀកកើយគ្នា ​ពេល​ទៅ​ញ៉ាំ​អាហារ​ពេល​ល្ងាច​ ជាមួយ​មិត្តភ័ក្ដិ​មួយ​ក្រុម ទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនេះ មិនត្រឹមតែបានបង្ហាញរូបស្និទ្ធស្នាលតែប៉ុណ្ណោះទេ តារាស្រី Nine នៅរៀបរាប់ពីរឿងស្នេហា​ផ្អែម​ល្ហែម​ ពោកពាក្យស្រលាញ់គូស្នេហ៍ថ្មីឡើងពេញៗមាត់ និងសុខចិត្តនៅក្បែរគូស្នេហ៍រូបនេះ បើទោះបីជា ត្រូវ​ឆ្លង​កាត់​គ្រា​ដ៏​អាក្រក់​បំផុត​ក៏​ដោយ ដែលកំពុងតែធ្វើឲ្យមិត្តៗ និងហ្វេនៗ ​ចូល​រួម​បញ្ចេញ​មតិ​ទៅលើ ​ភាព​ផ្អែម​ល្ហែម​របស់នាង ​ជា​ខ្លាំង៕

ប្រភព៖ Kapook

សូមទស្សនារូបភាពខាងក្រោម៖ 

• តារាថៃ