គួរឲ្យបារម្ភ! ជំនន់ទឹកភ្លៀងចាក់ផ្តើមច្រាលពី ក្នុងស្ទឹងសង្កែ ចូលមកក្នុងក្រុងបាត់ដំបងហើយ

បាត់ដំបង៖ តាមរយៈហ្វេសប៊ុកជាផ្លូវការរបស់ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង ក៏បានធ្វើការបញ្ជាក់នៅលើគណនីផ្ទាល់ របស់ឯកឧត្តម បានឲ្យដឹងផងថា ជំនន់ទឹកភ្លៀងចាប់ផ្តើមច្រាលពីក្នុងស្ទឹងសង្កែចូលមកក្នុងក្រុងបាត់ដំបងហើយ គិតត្រឹមម្សិលមិញនេះ នៅថ្ងៃទី ៥ ខែតុលា។

ជាមួយការបង្ហោះមួយនេះ ឯកឧត្តម ក៏បានមានប្រសាសនិ៍បន្ថែមទៀតផងដែរថា ប្រសិនបើមិនមានភ្លៀងច្រើននៅផ្នែកខាងលើបន្តទៀតទេ ទឹកនឹងឆាប់ស្រកទៅវិញ តែទោះជាយ៉ាងណា រដ្ឋបាលក្រុងបាត់ដំបង បានជូនដំណឹង ប្រជាពលរដ្ឋដែលរស់នៅ តាមដងស្ទឹងសង្កែ​ សូមបង្កេីនការប្រុងប្រយត្ន័អោយខ្ពស់ ខណៈទឹកទឹកស្ទឹងសង្កែ ក្រុងបាត់ដំបង ឡេីងដល់កម្ពស់ ១៣.៦០ម៉ែត្រ៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប្រភព៖ រដ្ឋបាលក្រុងបាត់ដំបង, ឯកឧត្តម សុខ លូ

សូមទស្សនារូបភាពខាងក្រោម៖