លំដាប់សេដ្ឋីថៃ មានសង្សារស្អាតៗ.រាប់.នាក់ តែពេលនេះ សម្រេចចិត្តរៀបការ ជាមួយPatricia ចុងឆ្នាំនេះហើយ

ថៃ៖ បន្ទាប់​ពី​ត្រូវបានសុំរៀបការរួចមក សម្រាប់​តារា​ស្រី​វ័យ​ក្មេង Patricia Good និងគូស្នេហ៍ ក៏កាន់តែបង្ហាញពីភាពផ្អែមល្ហែមជាងមុន នៅលើបណ្ដាញសង្គម ដែលកំពុងតែធ្វើឲ្យហ្វេនៗរំភើបចិត្ត ក៏ដូចជាបានរង់ចាំមើល ពីគម្រោងក្នុងពិធីមង្គល នាពេលខាងមុខនេះ។

ជាក់ស្ដែង កាលពីថ្មីៗនេះ លោក Note Vises ដែលជាគូស្នេហ៍របស់ Patricia ក៏​បាន​ធ្វើ​បច្ចុប្បន្នភាព ពី​ការ​ត្រៀម​ខ្លួន​ជា​កូន​កំលោះ ទៀតផង​ នៅក្នុងកម្មវិធីមួយ ដែលមានវត្តមាន Patricia ព្រមទាំងបានកាន់​ផ្កា​ឈរក្បែរ​ខ្លួន​ដើម្បី​លើក​ទឹក​ចិត្ត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាពិសេស គូស្នេហ៍របស់ Patricia បានបង្ហើប ទាក់ទងនឹងរឿងសំខាន់មួយនេះ ដោយបានលើកឡើងថា វាប្រហែលជាពិធីមង្គលការមួយ និងបានត្រៀមខ្លួនរួចហើយ ព្រមទាំង​ជា​ពេល​វេលា​ដ៏​ល្អ​នៅក្នុង​ឆ្នាំ​នេះ ដែលពួកគេ អាចនឹង​អញ្ជើញ​អ្នក​រាល់​គ្នា​ជា​ផ្លូវ​ការ​ម្ដង​ទៀត។

លើសពីនេះ រូបលោកក៏បានបង្ហាញទៀតថា វាពិតជាពេលវេលាដ៏ល្អរបស់គូស្នេហ៍អ្នកទាំងពីរ សម្រាប់ឆ្នាំនេះ។ តែបើមិនដូច្នោះទេ វាអាចនឹងជាឆ្នាំ ២០២៤ខាងមុខនេះ ដែលកាលបរិច្ឆេទ ពួកគេនឹងជម្រាបជូនដំណឹងម្តងទៀត និងអាចធ្វើនៅក្នុង​​ខែ​ធ្នូ ផងដែរ៕

ប្រភព៖ Sanook

សូមទស្សនារូបភាពខាងក្រោម៖ 

• តារាថៃ