តៃវ៉ាន់៖ ទោះបីជា មិនបានជួបគ្នាតាំងពីដំបូងក៏ពិតមែន តែច្រើនឆ្នាំក្រោយមក តារាស្រី Barbie Hsu និង លោក DJ Koo នៅតែបានក្លាយជាប្ដីប្រពន្ធដ៏មានសុភមង្គល និងកំពុងតែធ្វើឲ្យអ្នកទស្សនា កាន់តែច្រណែននឹងក្ដីសុខរបស់ពួកគេ ដែលបានបង្ហាញឡើងជាបន្តបន្ទាប់។
ដោយឡែក ក្រឡេកមកមើល លោក DJ Koo កាលពីថ្មីៗនេះវិញ ដោយបានចូលរួម ក្នុងកម្មវិធី Taipei Fashion Week កាលពីថ្ងៃទី ៩ ខែតុលាកន្លងទៅ រូបលោកក៏បានបង្ហាញខ្លួន ជាមួយនឹងស្ទាយ៍ទាន់សម័យ ទាក់ទាញចិត្តអ្នកទស្សនាគ្រប់គ្នា រហូតដល់មានការសួរនាំ ថាតើនរណាជា អ្នកជ្រើសរើសសម្លៀកបំពាក់ឱ្យលោកនោះ តារាប្រុសរូបនេះ បានប្រាប់ថា រាល់ថ្ងៃ ប្រពន្ធរបស់លោក Barbie Hsu បានជួយលោកជ្រើសរើសសម្លៀកបំពាក់ឱ្យសមស្រប សម្រាប់សកម្មភាពនីមួយៗ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលើសពីនេះ លោក DJ Koo ថែមទាំងបានបង្ហាញ ពីភាពសប្បាយរីករាយចំពោះការរៀបការរបស់ខ្លួន ក៏ដូចជាមានការបង្ហើប ពីសកម្មភាពមួយចំនួននៅក្នុងគ្រួសារ ដែលបានលើកឡើងថា ខ្លួននិងភរិយា ថើ.បគ្នារាល់ថ្ងៃ មុននឹងចេញទៅខាងក្រៅ ទៀតផង។
នេះអាចនិយាយបានថា ទំនាក់ទំនងរបស់ប្ដីប្រពន្ធតារាប្រុសស្រីរូបនេះ កាន់តែមានភាពល្អូកល្អើនពីមួយថ្ងៃទៅមួយថ្ងៃ បើទោះបីជាទើបតែរៀបការនឹងគ្នាមិនបានប៉ុន្មានខែក៏ដោយ តែចំណងអាពាហ៍ពិពាហ៍របស់អ្នកទាំងពីរ តែងតែត្រូវបានគេលើកឡើង ជាមួយនឹងការសរសើរមិនដាច់ពីមាត់ ផងដែរ៕
ប្រភព៖ Ngoisao.net
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
