ស្ងាត់ៗ តារាស្រី Gong Hyo Jin និងគូស្នេហ៍ ចូលរោងការហើយ

កូរ៉េខាងត្បូង៖ នៅព្រឹកថ្ងៃទី ១១ ខែតុលានេះ យោងតាមសារព័ត៌មានកូរ៉េ បានរាយការណ៍ឲ្យដឹងថា តារាសម្ដែងស្រីល្បីឈ្មោះ Gong Hyo Jin និងមិត្តប្រុស លោក Kevin Oh បានរៀបចំពិធីមង្គលការឯកជនមួយ នៅទីក្រុងញូវយ៉ក សហរដ្ឋអាមេរិក។

ក្នុងនោះតាមរយៈភ្នាក់ងារគ្រប់គ្រងរបស់ តារាស្រីរូបនេះ ក៏បានបញ្ជាក់ទៀតថា គូស្នេហ៍អ្នកទាំងពីរ នឹងរៀបចំពិធីមង្គលការនៅញូវយ៉ក ក្នុងយប់នេះទៀតផង។ គួររំឮកផងដែរថា កាលពីមុន តារាស្រី Gong Hyo Jin ត្រូវបានគេបង្ហាញ ថាកំពុងមានទំនាក់ទំនងស្នេហា ជាមួយតារាចម្រៀងប្រុស Kevin Oh ដោយបន្ទាប់ពីនោះមក ខាងភាគីរបស់នាង ក៏បានចេញមកបញ្ជាក់ពីព័ត៌មាននេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាងនេះទៅទៀត តារាស្រីរូបនេះ ក៏ធ្លាប់បានប្រកាសថា ខ្លួននឹងរៀបចំពិធីមង្គលការជាផ្លូវការ ជាមួយមិត្តប្រុសវ័យក្មេងរបស់ខ្លួន នៅក្នុងខែតុលា ដែល​ពិធីមង្គលការនេះ នឹងត្រូវបានប្រារព្ធឡើងជាលក្ខណៈឯកជន និង​មិនបាន​ប្រាប់​ពី​ពេល​វេលា​ពិត​ប្រាកដ​នៃ​ពិធី​ ​នោះឡើយ៕

ប្រភព៖ Kenh14

សូមទស្សនារូបភាពខាងក្រោម៖ 

• តារាកូរ៉េ