រាជធានីភ្នំពេញ ៖ ពិតណាស់ លោកតា មិន សារិន ហៅ ម៉ែន ជាតារាសម្តែងជើងចាស់ ដែលធ្លាប់លេចវត្តមានក្នុងរឿងភាគខ្មែរល្បីៗជាច្រើនរាប់មិនអស់ ដែលបច្ចុប្បន្ននេះលោកតា បានដកឃ្លាពីការងារសិល្បៈទាំងស្រុងទៅហើយ ព្រោះតែ បញ្ហាសុខភាពកាន់តែទ្រុឌទ្រោម ហើយឆ្នាំនេះលោកតាមានព្រះជន្ម ៨៣ឆ្នាំហើយ ដូច្នេះលទ្ធភាពនៃការចងចាំសាច់រឿងរបស់តួសម្តែងលែងល្អដូចមុនទៀត។
អ្វីដែលគួរឲ្យអាណិតនោះ សព្វថ្ងៃលោកតាសម្រេចចិត្តប្រកាសលក់ផ្ទះនៅច្បារអំពៅ ជាមរតកចុងក្រោយដើម្បីព្យាបាលជំងឺ រីឯផ្ទះឈើកំពុងរស់នៅសព្វថ្ងៃនេះក៏ពុកផុយបណ្តើរៗ ក្នុងនោះលោកតាក៏មានកូនស្រីម្នាក់ផងដែរ តែគួរឲ្យស្តាយព្រោះ មានសតិមិនល្អ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមួយវិញទៀត ដោយសារតែសុខភាពលោកតាកាន់តែវិវឌ្ឍន៍ទៅមុខពីមួយថ្ងៃទៅមួយថ្ងៃ លោកតាក៏ប្រកាសឲ្យតារាសម្តែងជើងចាស់ អ៊ុំ សុវណ្ណនី ដែលកំពុងរស់នៅលើទឹកដីសហរដ្ឋអាមេរិក ទាក់ទងមកលោកតាផង ព្រោះលោកតាចង់ជួបមុខកូនស្រីច្បង ក្រោយខានទាក់ទងគ្នាជាង៥ឆ្នាំហើយ មិនដឹងសុខទុក្ខកូនស្រី ទៅជាយ៉ាងណាសោះ។
គួរបញ្ជាក់ផងដែរថា លោកតាម៉ែន ក៏ទទួលបានការឧបត្ថម្ភថវិកាពីសមាគមសិល្បៈជារៀងរាល់ខែ ក្រោមការចាត់ចែងរបស់លោកជំទាវ ចន ច័ន្ទលក្ខិណា និងការជ្រោមជ្រែងពីលោក អ៉ឹម ជីវ៉ា កន្លងមកកំឡុងពេលលោកតាសម្រាកព្យាបាលនៅមន្ទីរពេទ្យ ជាងនេះទៅទៀត តារាសម្តែង សាវិន ហ្វីលីព បានបង្ហើបថា ក្នុងវិស័យភាពយន្តនរណាៗក៏ដឹងច្បាស់ពីស្ថានភាពគ្រួសាររបស់ លោកតា ម៉ែន គ្រប់ៗគ្នាដែរ៕
បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
