មង្គលការ Gong Hyo Jin រៀបឡើងរ៉ូមែនទិក មិនចា.ញ់តារាផ្សេងៗ

បរទេស៖ កាលពីថ្ងៃទី ១១ ខែតុលា កន្លងទៅនេះ តារាស្រី Gong Hyo Jin បានរៀបចំពិធីមង្គលការឯកជន នៅទីក្រុងញូវយ៉ក សហរដ្ឋអាមេរិក ជាមួយគូស្នេហ៍វ័យក្មេងជាងនាងដល់ទៅ ១០ឆ្នាំ ដែលជាតារាចម្រៀងប្រុស លោក Kevin Oh។

យ៉ាងណាមិញ ក្រឡេកមកមើលពី ពិធីមង្គលការរបស់ Gong Hyo Jin វិញ គឺជាការរៀបចំបែបឯកជនយ៉ាងសម្ងាត់ដូច្នេះហើយ រូបភាពពីទិដ្ឋភាពមង្គលការរបស់នាង ពិតជាកម្រនឹងបើកបង្ហាញចេញឡើង ផងដែរ។ ប៉ុន្តែនៅទីបំផុត  ក៏មានរូបភាពមួយ ពីកូនក្រមុំ Gong Hyo Jin ដែលបានបង្ហាញពីផ្នែកមួយ នៃរ៉ូបអាពាហ៍ពិពាហ៍ រួមទាំងស្បែកជើងប៉ាតារបស់នាង នៅក្នុងពិធីមង្គលការ ដែលជំនួសឱ្យការពាក់ស្បែកជើងកែងចោទ នាងបានជ្រើសរើសពាក់ស្បែកជើងកីឡាដែលស៊ីគ្នា នឹងស្ទីលនារីរបស់ខ្លួន ទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តែទោះជាយ៉ាងណា ភ្ញៀវដែលបានមកចូលរួម​ក្នុង​ពិធី​រៀប​ការ ​បាន​បើកបង្ហាញ​ពី​ទិដ្ឋភាព​ក្នុង​ពិធីទាំងមូល ដែល​ត្រូវ​បាន​ប្រារព្ធ​ឡើង ​ក្នុង​ទីធ្លា​ក្រៅ​ផ្ទះ​ និង​ពោរពេញ​ទៅ​ដោយ​ពន្លឺ​ព្រះ​អាទិត្យ តុបតែង​បែប​រ៉ូមែនទិក​ ជាពិសេស ក៏ត្រូវបានយក​ចិត្ត​ទុក​ដាក់យ៉ាងខ្លាំង ពេលអ្នក​គាំទ្រ​​បាន​រក​ឃើញ ​រូបថត​ស្នេហា​របស់នាង និង លោក Kevin Oh អំឡុង​ពេល​ណាត់​ជួប​គ្នា​ ផងដែរ៕

ប្រភព៖ Kenh14

សូមទស្សនារូបភាពខាងក្រោម៖ 

• តារាកូរ៉េ