ឃើញផ្អែមល្ហែម មិននឹកស្មានថា ស្វាមី Nune មិនដែលសុំធ្វើសង្សារពីមុនទេ

ថៃ៖ ក្រៅពីរឿងរូបសម្រស់ផូរផង់ និងបានបង្ហាញជូនអ្នកគាំទ្រជាបន្តបន្ទាប់មកនោះ តារាស្រី Nune Woranuch ក៏បានទាញយកចំណាប់អារម្មណ៍ថ្មីមួយ នៅពេលដែលនាង បានចេញ​មុខ​ក្នុង​កម្មវិធី​សម្ភាស ​ពី​រឿង​ក្នុងទំនាក់ទំនងស្នេហា ​ជាមួយ​នឹង​ស្វាមី លោក Tod Piti ដែលមនុស្សជាច្រើនមិនធ្លាប់ដឹងពីមុនមក។

ក្នុងនោះដែរ តារាស្រី Nune ក៏បានលើកឡើងពីហេតុផលមួយចំនួន ដែលចាប់តាំងពីរៀបការជាមួយគ្នាមក រឿងរ៉ាវក្នុងទំនាក់ទំនងប្ដីប្រពន្ធអ្នកទាំងពីរ ពិតជា​កម្រ​នឹងនិយាយ​តាម​ប្រព័ន្ធ​ផ្សព្វផ្សាយ ព្រោះដោយសារតែ ស្វាមីរបស់តារាស្រីរូបនេះ មិនចូលចិត្តឲ្យមានការនិយាយពីវា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាពិសេស រឿងដ៏គួរឲ្យចាប់អារម្មណ៍ពីបណ្ដាហ្វេនៗជាច្រើន ដែល Nune បានបើកបង្ហាញជាមួយគ្នានេះដែរ  គឺរូបនាងលាបានតត្រដាងថា ពេលកំពុងតែទាក់ទងគ្នានោះ លោក Tod ដែលជាស្វាមីរបស់នាង មិនដែលសុំនាងធ្វើជាសង្សារបស់ខ្លួននោះទេ ប៉ុន្តែ បែរជាមកម្តងទៀត ស្វាមីរបស់នាង ក៏បានសុំនាងរៀបការតែម្ដង ដែលធ្វើឲ្យនាងមានអារម្មណ៍ថា គឺជាអ្នកដែលពិតប្រាកដហើយ និងបានរស់នៅជាមួយគ្នាយ៉ាងល្អ រហូតបាន​រៀប​ការជាមួយគ្នា ​អស់​រយៈ​ពេល​១២​ឆ្នាំ​ហើយ ៕

ប្រភព៖ Kapook

សូមទស្សនារូបភាពខាងក្រោម៖ 

• តារាថៃ