លេចឮថា កីឡាករ Man UTD ម្នាក់នេះកំពុងស្វែងរកទ្រនំថ្មីបណ្ដើរៗហើយ ក្នុងករណីក្លិបអត់បន្តកុងត្រាថ្មីឲ្យ

អង់គ្លេស៖ ខ្សែការពារ Diogo Dalot ត្រូវបានគេរាយការណ៍ថាកំពុងស្វែងរកក្លិបថ្មី ក្នុងករណីដែលគេចាកចេញពី Manchester United នារដូវក្ដៅឆ្នាំ២០២៣។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កុងត្រារបស់ Dalot ជាមួយ Man UTD នឹងអស់សុពុលភាពនៅរដូវក្ដៅឆ្នាំក្រោយនេះហើយប៉ុន្តែក្លិបអាចមានសិទ្ធិបន្តកុងត្រាគេថែម១ឆ្នាំទៀត។

សារព័ត៌មាន Calciomercato បានចុះផ្សាយថា Juventus, Barcelona និង AS Roma ពិតជាចង់បានកីឡាករសញ្ជាតិព័រទុយកាល់នេះណាស់ខណៈដែល ភាគីលោក Max Allegri និង Xavi Hernandez បានទាក់ទងទៅគេរួចហើយ។

គួរបញ្ជាក់ផងដែរថា Diogo Dalot គឺជាកីឡាករសំខាន់ម្នាក់ក្នុងក្រុមលោក Erik Ten Hag ដោយគេបានបង្ហាញខ្លួន១១ប្រកួតនិងបញ្ជូនបាល់២គ្រាប់នៅរដូវកាលថ្មីនេះ៕

ប្រភព៖: sportskeeda