ក្រោយបែកគ្នា ជីវិត Shakira ប្រែប្រួលខ្លាំង គេមានស្រីថ្មី ខណៈខ្លួនមើល ថែកូនប្រុសដល់ទៅពីរ

បរទេស៖ សារព័ត៌មានជាច្រើន បានចេញផ្សាយ តារាស្រី Shakira និងតារាបាល់ទាត់ Gerard Pique បានបង្ហាញខ្លួននៅកន្លែងតែមួយជាច្រើនដង បន្ទាប់ពីបែកគ្នាកាលពីខែមិថុនា ។

ជាក់ស្តែង ថ្មីៗនេះ កាលពីថ្ងៃទី ៧ ខែតុលា អ្នកម្តាយកូន ២រូបនេះ និងអតីតមិត្តប្រុសរបស់នាង បានអង្គុយជាមួយគ្នាដើម្បីលើកទឹកចិត្តកូនប្រុសរបស់ពួកគេ ក្នុងការប្រកួតកីឡាបេស្បលមួយនៅទីក្រុង Valencia ប្រទេសអេស្ប៉ាញទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាមអ្នកយកព័ត៌មាន The Sun ពួកគេបានអង្គុយនៅឆ្ងាយពីគ្នា មើលទៅហាក់ដូចជា ឆ្គងពេលមើលកូនប្រុសរបស់ពួកគេ មិនត្រឹមតែប៉ុណ្ណោះ ក្រោយពីកាមេរ៉ាបានចាប់ថតរូបនាង អ្នកចម្រៀង Wanka រូបនេះ បាន ញញឹមជាមួយនឹងទឹកមុខរៀងភ័យៗ។

យ៉ាងណាមិញ ស្នេហា ​ដែល​បែកបាក់​មិន​បាន​អូស​ទាញ​ចិត្ត​ Pique ឲ្យ​ខូចចិត្តយូរ​ពេក​ទេ ដោយរូបលោក បានលះបង់អតីតកាល យកអ្នកថ្មីមកស្អំបេះដូអ ទន្ទឹមនឹងនេះ Shakira នៅតែតស៊ូជាមួយនឹងអារម្មណ៍ឈឺចាប់ ភាពអស់សង្ឃឹម។

យោងតាមប្រព័ន្ធផ្សព្វផ្សាយ ក្រោយពីចែកផ្លូវគ្នា បានធ្វើឱ្យ Shakira ឈឺចាប់ និងធ្លាក់ទឹកចិត្តជាងខ្លាំង នាងខំប្រឹងបន្តទៅមុខទៀត ព្រោះនាងនៅតែមានទំនួលខុសត្រូវ ធំនៅលើស្មារបស់នាង ពោលគឺមើលថែ កូនពីរនាក់តែម្នាក់ឯង។

ទៀតសោត នាងព្យាយាមទប់ការឈឺចាប់យ៉ាងណានោះទេ ព្រោះការបង្ហាញខ្លួនរបស់នាង សាធារណៈលើកចុងក្រោយ មិនអាចលាក់បាំងភាពសោកសៅ និងភាពស្រងូតស្រងាត់នៅលើមុខរបស់នាង ទោះបីជាមានកូនប្រុសទាំងពីរនៅក្បែរក៏ដោយ៕

ប្រភព៖ zingnews.vn

សូមទស្សនារូបភាពខាងក្រោម៖

• តារាអន្តរជាតិ