កាន់តែឡូយឆាយ ឈិនឡុង បើកបង្ហាញផ្ទះតម្លៃរាប់លានទៀតហើយ

ចិន៖ ថ្មីៗនេះ តាមរយៈប្រភព Kwongwah បានបង្ហាញថា តារាសម្ដែង លោក Jackie Chan អាចរកលុយបានយ៉ាងច្រើន បានតាមរយៈការវិនិយោគអចលនទ្រព្យ ដោយផ្ទះចាស់ចំនួន ៨ ខ្នង ដែលតារារូបនេះ បានទិញកាលពីទសវត្សរ៍ឆ្នាំ ១៩៩០ មកទល់នឹងពេលនេះ តម្លៃក៏បានកើនឡើងរាប់សិបដង ធៀបនឹងតម្លៃដើម។

ក្នុងនោះដែរ បានឲ្យដឹងទៀតថា តារាសម្ដែងរូបនេះ បានទិញផ្ទះចាស់ៗទាំងនោះ នៅពេលដែល លោកទៅទីក្រុងប៉េកាំងដើម្បីថតកុនក្នុងទសវត្សរ៍ឆ្នាំ ១៩៩០ ហើយដោយសារតែការងារ លោកក៏ត្រូវស្នាក់នៅទីនេះជាងកន្លះឆ្នាំ។ ហើយលោក ក៏បាន​ចំណាយ​ប្រាក់​ចំនួន ៤ លាន​យន់(ប្រហែល៥៥ម៉ឺនដុល្លារ) ដើម្បី​ទិញ​ផ្ទះ​ចាស់​ចំនួន ៨ ដោយសារតែ ការស្រឡាញ់​ទីធ្លា​សួនច្បារ​ដ៏ធំនៅទីនោះ ទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ក្រោយ​ពីថត​ចប់ លោក Jackie Chan បាន​ត្រឡប់​ទៅ​រស់នៅ​ហុងកុង​វិញ ប៉ុន្តែ​មិន​បាន​លក់​ផ្ទះ​ចាស់​នោះ​ទេ ហើយនៅពេលនោះ រូបលោកបានទិញផ្ទះមួយក្នុងតម្លៃត្រឹមតែ ៥០០០០០ យន់ តែប៉ុណ្ណោះ ដែលបច្ចុប្បន្ននេះតម្លៃផ្ទះចាស់របស់ Jackie Chan គឺមានតម្លៃរហូតដល់ ១២ លានយន់ (ជាង ១,៦៦ លានដុល្លារអាមេរិក)។ ដូច្នេះហើយ ជាមួយនឹងផ្ទះសរុបចំនួន ៨ របស់តារាប្រុសរូបនេះ គឺមានតម្លៃ ៩៦ លានយន់ (ប្រហែល ១៣,២ លានដុល្លារ) ផងដែរ៕

ប្រភព៖ Zingnews

សូមទស្សនារូបភាពខាងក្រោម៖ 

• តារាចិន