ឈ្មោះជាកំពូលតារាដូច Pinky បែរជាទទួលបានលុយពីម្ដាយត្រឹមតែ...

ថៃ៖ ថ្មីៗនេះ មហាជនជាច្រើន កំពុងតែចាប់អារម្មណ៍យ៉ាងខ្លាំង ទៅលើករណីរបស់ តារាស្រី Pinky ដែលត្រូវបាន ពិធីករល្បីឈ្មោះ Moddam បានចេញបញ្ជាក់ក្នុងកម្មវិធី និងទម្លាយថា រូបនាងបានរស់នៅ ផ្ទះជួលចាស់តូចមួយ  ព្រោះ​តែលុយ​ទាំង​អស់​ដែល​បាន​មក​ពី​ការងារ​ ត្រូវ​ម្តាយ​នាង​ចំណាយ​ក្នុង​កាស៊ីណូ។

លើស​ពី​នេះ លោក Moddam ក៏​បាន​លាតត្រដាង​ពី Pinky ថាមិនមានលុយពិតប្រាកដទេ ហើយចំពោះ​តម្លៃ​ការងារ របស់តារាស្រីរូបនេះ គឺត្រូវផ្ទេរទាំងអស់ ទៅឲ្យម្តាយរបស់ខ្លួន និងឲ្យម្តាយមើលថែលុយ តាំងពីនាងធ្វើការក្នុងវិស័យនេះ តាំងពីអាយុ ៧ ឆ្នាំមកម្លេះ ហើយបើសូម្បីតែពេលចេញកម្មវិធីម្តងៗ នាងក៏ត្រូវផ្ទេរអ្វីៗទាំងអស់ឲ្យម្តាយ ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ ចំនួនទឹកប្រាក់ដែល តារាស្រី Pinky ទទួលបានពីម្តាយរបស់នាង ជារៀងរាល់ថ្ងៃវិញ គឺពិតជាគួរឱ្យភ្ញាក់ផ្អើលណាស់ ព្រោះ​នាងចាត់ទុកថា ​ជា​​កំពូលតារាស្រីមួយរូប​ ប៉ុន្តែ​ម្តាយ បែរជា​បាន​ឲ្យ​លុយ​នាង​ប្រើ​ ត្រឹមតែ ១៥០០ ទៅ ២០០០ បាត(ប្រហែល ៥២ដុល្លារ) តែ​ប៉ុណ្ណោះ ព្រោះ​លុយ​ដែល​នៅ​សល់​ក៏ត្រូវចូលទៅ​ក្នុង​គណនី​ក្រុមហ៊ុន ដែលជាហេតុធ្វើឱ្យ Pinky ចូលចិត្តសុំជាលុយសុទ្ធ ពេល​លក់​របស់របរ​ ផងដែរ៕

ប្រភព៖ Kapook

សូមទស្សនារូបភាពខាងក្រោម៖ 

• តារាថៃ