សរសើរអស់ពីចិត្ត មួយឈុតនេះ ពេជ្រ វត្តីសារ៉ាវឌ្ឍី នៅប្រឹងដើរល្អដល់ថ្នាក់នេះ(មានវីដេអូ)

រាជធានីភ្នំពេញ ៖ ដូចដែលដឹងស្រាប់ហើយថា កញ្ញា ពេជ្រ វត្តីសារ៉ាវឌ្ឍី បវរកញ្ញាតំណាងកម្ពុជា ចូលរួមប្រកួតសម្រស់លើឆាកអន្តរជាតិ Miss Grand International 2022 នៅប្រទេសឥណ្ឌូណេស៊ី ដែលជាបេក្ខនារីកំពុងទទួលការចាប់អារម្មណ៍ខ្លាំង ក្នុងដំណាក់កាលនីមួយៗ។

ជាក់ស្តែង កាលពីយប់មិញនេះ មហាជននាំគ្នារងចាំមើលឈុតតំណាងជាតិ ដែលមុនការប្រកួតល្បីថា អាចនឹងមានការផ្លាស់ប្តូរឈុត ខណៈដែលឈុត«គោព្រៃ» មិនទទួលការគាំទ្រពីមហាជនតាំងពីមិនទាន់ចេញទៅប្រកួតមកម្លេះ ផ្ទុយទៅវិញដល់វគ្គNational Costume កញ្ញា ពេជ្រ វត្តីសារ៉ាវឌ្ឍី បង្ហាញវត្តមានលើឆាកក្នុងឈុត«គោព្រៃ»មួយនេះ ធ្វើឲ្យបងប្អូនមួយចំនួនតូចបង្ហាញការខកចិត្ត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទន្ទឹមនឹងការខកចិត្តខ្លះៗពីមហាជន បែរគេក្រឡេកឃើញ បុគ្គលល្បីៗក្នុងសង្គមព្រមទាំង តារាខ្មែរមួយចំនួនធំ ផ្ទុះការកោតសរសើរពីផ្លូវចិត្តនិងសមត្ថភាពក្នុងការដើររបស់រូបនាង ធ្វើឲ្យគេឯងដែលធ្លាប់បង្ហាញអារម្មណ៍មិនពេញចិត្តនឹងឈុតនេះ បែរជាចាប់អារម្មណ៍ខ្លាំងទៅវិញ ដោយរូបនាងបានដើរបង្ហាញម៉ូតប្រកបដោយទំនុកចិត្ត មួយជំហានៗស៊ីចង្វាក់នឹងសាច់ភ្លេង មើលទៅពិតជាទាក់ទាញ ជាពិសេសគឺបង្ហាញឲ្យឃើញច្បាស់ពីទំហំទឹកចិត្តរបស់រូបនាង ទោះមិនសូវទទួលការគាំទ្រខ្លាំងនៅវគ្គចាប់ផ្តើម តែពេលនេះ កញ្ញា​ ពេជ្រ វត្តីសារ៉ាវឌ្ឍី កំពុងប្រមូលយកបេះដូងគាំទ្រច្រើនមិនធម្មតាឡើយ៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖

• ការងារ
• ជីវិត
• រូបភាព
• តារាខ្មែរ