អ្នកCrush អាយដល.ខ..ក.ចិត្តបាត់ Charlie Puth បញ្ជាក់ពីទំនាក់ទំនងស្នេហាហើយ

ថៃ៖ ថ្មីៗនេះ ជាមួយនឹងការបង្ហាញខ្លួន នៅក្នុងកម្មវិធី The Howard Stern Show កាលពីថ្ងៃទី ១៩ ខែតុលា កន្លងទៅ តារាចម្រៀង លោក Charlie Puth បានបង្ហាញថា ខ្លួនមានមិត្តពិសេស ផ្ទាល់ខ្លួនហើយ ក៏ដូចជាបានបញ្ជាក់ថា រូបលោកកំពុង​មាន​ទំនាក់ទំនង​ស្នេហា។

ក្នុងនោះដែរ តារា​ចម្រៀងប្រុស​រូប​នេះ​ បានបង្ហើបទៀតថា នេះគឺ​ជា​រឿង​ស្នេហាប្រាកដប្រជាមួយ ព្រមទាំងបានលើកឡើង​ថា​ មិត្ត​ស្រី​របស់​លោកម្នាក់នេះ ​គឺ​ជា​អ្នក​ដែល​ធំ​ឡើង​ជាមួយ​គ្នា។ ហើយប្រការមួយនេះ បានធ្វើឲ្យរូបលោក មានអារម្មណ៍ពេញចិត្ត នៅពេលដែលមានគូស្នេហ៍ដែលនៅជាមួយគ្នាយ៉ាងយូរ និងធ្វើជាសាក្សី មើលពីការឡើងចុះ នៅក្នុងអាជីពចម្រៀងរបស់លោក ទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តែទោះជាយ៉ាងណាក៏ដោយ លោក Charlie Puth មិន​បាន​បង្ហាញ​អត្តសញ្ញាណ​គូស្នេហ៍​របស់​ខ្លួន ​ក្នុង​កិច្ច​សម្ភាសន៍​នោះ​ទេ។ លើសពីនេះ តារាប្រុសរូបនេះ ​អាចនឹងធ្វើការស្នើ​សុំចំពោះគូស្នេហ៍ដោយ​សម្ងាត់​ នៅពេល​ខាងមុខ​ ដើម្បីកុំ​ឲ្យ​លេចឮ​នៅ​ចំពោះមុខ​សារព័ត៌មាន និង​ប្រព័ន្ធ​ផ្សព្វផ្សាយ​ ផងដែរ៕

ប្រភព៖ Zingnews

សូមទស្សនារូបភាពខាងក្រោម៖ 

• តារាអន្តរជាតិ