ស្ថានីយប្រេងឥន្ធនៈ PTT ព្រែកហូរ ៥០ម៉ែត្រ ចាប់បើកសម្ពោធជាផ្លូវការហើយ

កណ្តាល៖ កាលពីថ្ងៃទី ២២ ខែតុលា ឆ្នាំ ២០២២ រាជធានីភ្នំពេញ  ស្ថានីយប្រេងឥន្ធនៈ PTT ព្រែកហូរ ៥០ម៉ែត្រ  ត្រូវបានសម្ពោធជាផ្លូវការ នៅតាមតាមបណ្ដោយផ្លូវក្រវ៉ាត់ក្រុងទី២ (ផ្លូវ៥០ម៉ែត្រ) ភូមិបត្តាជី សង្កាត់ព្រែកហូរ ក្រុងតាខ្មៅ ខេត្តកណ្តាល។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពិធីសម្ពោធនេះបានធ្វើឡើងដោយមានវត្តមានរបស់ លោកឧកញ៉ា ឈាង សុវណ្ណរតនៈ អគ្គនាយកនៃក្រុមហ៊ុន RTNK Investment Co, Ltd និង លោក Nuttapong Kaewtrakulpong នាយកគ្រប់គ្រងក្រុមហ៊ុន PTT (Cambodia) Limited ។

ស្ថានីយប្រេងឥន្ធនៈ PTT ថ្មីនេះនឹងក្លាយជាកន្លែងដែលផ្តល់នូវភាពងាយស្រួលក្នុងការទិញទំនិញ និងប្រេងឥន្ធនៈគ្រប់ប្រភេទ ដែលមានគុណភាពខ្ពស់។ សេវាកម្មទាំងនេះមានដូចជាហាងកាហ្វេ Café Amazon ហាងលក់ទំនិញ 7 Eleven ភោជនីយដ្ឋាន Brew Park និងហាងជាច្រើនទៀត។

ជាពិសេសមានកន្លែងចតរថយន្តធំទូលាយ ព្រមទាំងបន្ទប់ទឹកស្អាត ដែលជួយសម្រួលដល់អតិថិជន អ្នកដំណើរ និងប្រជាពលរដ្ឋដែលរស់នៅជុំវិញតំបន់នោះ ដើម្បីទទួលបានបទពិសោធន៍នៃការចាក់ប្រេងឥន្ធនៈប្រកបដោយបរិយាកាសមានផាសុកភាព។

គួរបញ្ជាក់ផងដែរថា PTT នេះជាសាខាថ្មីទី ១៣៦ របស់ PTT Station ដែលមាននៅក្នុងព្រះរាជាណាចក្រកម្ពុជា។

PTT ព្រែកហូរ ៥០ ម៉ែត្រ មានឆន្ទៈនៅក្នុងការបំពេញតម្រូវការរបស់អតិថិជនក្នុងកម្រិតថ្មីមួយទៀត ដែលអតិថិជនគ្រប់គ្នានឹងពេញចិត្ត ១០០% ទៅលើសេវាកម្មដែលនឹងផ្តល់ជូន៕