ធ្វើជាតារាមិនដូចគ្នា ទិនហ្វី បែរជាមានជីវិតបែបនេះ រហូតដល់ជា.ប់.បំ..ណុ..លគេទៀត

ហុងកុង៖ សម្រាប់តារាសម្ដែងជើងចាស់ លោក Stephen Chow ត្រូវបានចាត់ទុកថា ជាសិល្បករដ៏មានទេពកោសល្យម្នាក់ នៅក្នុងឧស្សាហកម្មភាពយន្តហុងកុង ព្រមទាំងទទួលបាននូវការគាំទ្រពីទស្សនិកជន ទាំងក្នុងនិងក្រៅប្រទេស ចាប់តាំងពីបានប្រឡូកនៅក្នុងវិស័យសិល្បៈ អស់ជាច្រើនឆ្នាំ។

យ៉ាងណាមិញ បច្ចុប្បន្ននេះ តារាសម្ដែងរូបនេះ តែងតែត្រូវបានប្រព័ន្ធផ្សព្វផ្សាយ ធ្វើការលើកឡើងជាបន្តបន្ទាប់អំពីជីវិតរស់នៅរបស់លោក ហើយថ្មីៗនេះ លោក Stephen Chow ក៏ត្រូវបានប្រៀបធៀបពីជីវិតខុសគ្នា ជាមួយនឹងមិត្តរួមជំនាន់សិល្បៈ ដោយបាននិយាយថា ចាប់តាំងពី លោកបាន​ចូល​និវត្តន៍​ និងធ្វើការងារពីខាង​ក្រោយ​ឆាក​ ដែលក្លាយជាអ្នកដឹកនាំ​រឿង​នោះ ស្ថានភាពរបស់លោក កាន់តែធ្វើឲ្យហ្វេនៗព្រួយបារម្ភ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ តាមរយៈប្រភពព័ត៌មាន បានឲ្យដឹងថា តារាប្រុសរូបនេះ បានធ្វើឱ្យអ្នកគាំទ្រព្រួយបារម្ភ នៅពេលដែល រូបលោកត្រូវបានគេរាយការណ៍ថា ជំពាក់បំណុលហូតដល់ ១,៣ ពាន់លានយន់ (ជាង ១៧០លានដុល្លារ) ដោយសារតែកិច្ចព្រមព្រៀង កាលពីប៉ុន្មានឆ្នាំមុន។ ម៉្យាងវិញទៀត នៅក្នុងកិច្ចព្រមព្រៀងនេះ លោក Stephen Chow បានសន្យាថា នឹងបង្កើនប្រាក់ចំណេញសុទ្ធរបស់ក្រុមហ៊ុនដល់ទៅ ១ ពាន់លានយន់ សម្រាប់រយៈពេល ៤ ឆ្នាំចាប់ពីឆ្នាំ ២០១៦ ដល់ឆ្នាំ ២០១៩ បើមិនដូច្នេះទេ លោកនឹងសងប្រាក់ ចេញពីហោប៉ៅផ្ទាល់ខ្លួន ឬទិញភាគហ៊ុនត្រឡប់មកវិញ៕

ប្រភព៖ Ngoisao.vn

សូមទស្សនារូបភាពខាងក្រោម៖ 

• តារាចិន