Miss Grand វៀតណាម ទ្រហ៊ោយំ ក្រោយមិនទទួលបានលទ្ធផលល្អក្នុងការប្រកួត

ឥណ្ឌូនេស៊ី៖ សម្រាប់កម្មវិធី Miss Grand International ២០២២ ដែលបានបិទបញ្ចប់ដោយជោគជ័យ  ជាមួយនឹងលទ្ធផល ម្ចាស់គ្រងមកុដ ដែលជាបវរកញ្ញាតំណាងប្រទេសប្រេស៊ីល នាង Isabella Menin ពិតជាធ្វើឲ្យមហាជនជាច្រើនពេញចិត្ត ទៅលើសមត្ថភាព និងរូបសម្រស់ ដែលសាកសមទៅនឹងតំណែងមួយនេះ។

យ៉ាងណាមិញ បន្ទាប់ពីការប្រកួតត្រូវបានបញ្ចប់ ស្រាប់តែមានរឿងដ៏គួរឲ្យយកចិត្តទុកដាក់ពីបណ្ដាហ្វេនៗ ខណៈដែល បវរកញ្ញាតំណាង​ប្រទេស​វៀតណាម នាង Doan Thien An បាន​ជាប់ត្រឹម នៅ​ក្នុង​វគ្គ​ផ្តាច់ព្រ័ត្រ​កំពូល​ទាំង ២០ ដោយនាងបានចូលដោយផ្ទាល់ ពីការឈ្នះ ការបោះឆ្នោត។ តែទោះជាយ៉ាងណា បវរកញ្ញារូបនេះ មិនបានចូលទៅក្នុងចំណាត់​ថ្នាក់​កំពូល​ទាំង​១០​ ដែលធ្វើ​ឱ្យនាង ហាក់​ដូច​ជា​ខក​ចិត្តយ៉ាងខ្លាំង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាពិសេស តាមរយៈបណ្ដាញសង្គមនិងប្រព័ន្ធផ្សព្វផ្សាយ បានបង្ហាញពីសកម្មភាព ដែលរូបនាង បានទៅឱប នាង Thuy Tien ដែលជាម្ចាស់មកុដ Miss Grand កាលពីឆ្នាំមុន លាយឡំនឹងទឹកភ្នែក នៅខាងក្រោយឆាកនៃកម្មវិធីមួយនេះ។ លើសពីនេះ នៅក្នុងនោះ  នាង Thien An បាន​និយាយ​ថា នាង​មិន​អាច​ជឿ​លទ្ធផល​នេះ​ទេ ខណៈដែលនាង Thuy Tien បានលើកទឹកចិត្ត ឲ្យស្នាមញញឹម នៅពេលដែលឡើងលើឆាកប្រកួត ផងដែរ៕

ប្រភព៖ Zingnews

សូមទស្សនារូបភាពខាងក្រោម៖​