នេះជាប្រវត្តិតស៊ូរបស់ Engfa មុនទទួលបានជ័យលាភី លំដាប់រងទី១ ក្នុងកម្មវិធីMiss Grand

ថៃ៖ សម្រាប់ Engfa Waraha ត្រូវ​បាន​គេ​ស្គាល់​ថា ​ជា​បវរកញ្ញាមួយរូប ដែល​មាន​សមត្ថភាព​គ្រប់​ជ្រុង​ជ្រោយ​ទាំង​សម្រស់ គំនិត អាកប្បកិរិយា ដែលជាភាពទាក់ទាញមួយ អាច​នាំ​នាង​ឱ្យ​ទទួល​បាន​ជោគជ័យ និង​អាច​ដណ្តើម​ជ័យលាភីលំដាប់រងទី១ ក្នុងកម្មវិធីប្រកួត Miss Grand International ២០២២។

ដោយសារតែបែបនេះហើយ បវរកញ្ញារូបនេះ ក៏ត្រូវបានមហាជនជាច្រើន ផ្ទុះការចាប់អារម្មណ៍នឹងចង់ដឹងពីប្រវត្តិតស៊ូរបស់នាង ដោយនៅក្នុងនោះ Engfa ត្រូវបានគេដឹងថា នាងបានកើតក្នុងគ្រួសារតន្ត្រី ដែលឪពុករបស់នាងគឺជាអ្នកលេងក្តារចុច ហើយម្តាយ ជាអ្នកចម្រៀងប្រចាំប្រទេស ដូច្នេះ​ហើយ ទើប​នាង​ទទួល​បានការបង្រៀន​ក្នុង​ការ​ច្រៀង ​ពី​ឪពុក​ម្ដាយ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ Engfa បាន​ធ្វើ​អាជីព​ជា​ច្រើន​ ជាពិសេស ជាមួយនឹង​ការ​ប្រលងចម្រៀង​ តាំង​ពីវ័យ​ក្មេង​មក​។ ជាពិសេស រូបនាងត្រូវបានមហាជនស្គាល់ច្រើន តាមរយៈការចូលរួមក្នុងកម្មវិធីប្រលង The Voice Thailand ២០១៨ ផងដែរ។

លើសពីនេះ កាលពីឆ្នាំ ២០២០ កន្លងទៅនេះ Engfa ធ្លាប់បានចូលប្រលងក្នុងកម្មវិធី Miss Grand Suphanburi ប៉ុន្តែនៅទីបំផុត នាងក៏បានដកខ្លួនចេញ និង​បាន​វិល​មក​កាន់​ការ​ប្រកួត​ម្ដង​ទៀត ដោយនៅទីបំផុត​ នាងក៏អាច​ឈ្នះ​មកុដ ព្រមទាំង​ត្រូវ​បាន​គេ​ហៅរូបនាង ​ថា​ជា​បេក្ខនារី​​កំពូល​នៃ​កម្មវិធី Miss Grand Thailand ២០២២ ផងដែរ៕

ប្រភព៖ Sanook

សូមទស្សនារូបភាពខាងក្រោម៖ 

• តារាថៃ