អេសស៊ីជី (SCG) មានមោទនភាព​ក្នុងការ​ជួយឧបត្ថម្ភគាំទ្រ​ដល់​កម្មវិធីប្រកួតជំនាញថ្នាក់ជាតិ​របស់​កម្ពុជា!

ភ្នំពេញ៖ អេសស៊ីជី (SCG) បានចូលរួមជាមួយបណ្ដាស្ថាប័ន​ជាច្រើនទៀត ក្នុងការឧបត្ថម្ភគាំទ្រកម្មវិធីប្រកួតជំនាញថ្នាក់​ជាតិលើកទី៨ របស់កម្ពុជា ដែលរៀបចំឡើងនៅសួនអប់រំ​បណ្តុះបណ្តាលបច្ចេកទេស និងវិជ្ជាជីវៈរាជធានីភ្នំពេញ ដែលមានទីតាំងស្ថិត​នៅវិទ្យាស្ថានពហុបច្ចេកទេសព្រះកុសុមៈ។

កម្មវិធីប្រកួតជំនាញថ្នាក់​ជាតិលើកទី៨ នេះ ​បានចាប់ផ្ដើមកាលពីថ្ងៃទី ២៤ ហើយនឹង​បន្តរហូតដល់ថ្ងៃទី ២៨ តុលា ដែលមានរយៈពេលប្រាំថ្ងៃជាប់គ្នា ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កម្មវិធីប្រកួតជំនាញថ្នាក់​ជាតិ ត្រូវបានរៀបចំរៀងរាល់ពីរឆ្នាំម្ដង ហើយ​ការ​ប្រកួត​ក្នុងឆ្នាំនេះ មានការចូលរួមពីបេក្ខជនចំនួន ៦១ រូប ដើម្បីប្រជែង​យកតំណែងជើងឯក។

បេក្ខជនទាំងអស់នោះ មកពីគ្រឹះស្ថានបណ្ដុះបណ្ដាលចំនួន ១៣ ដែលផ្ដល់ការ​បណ្ដុះបណ្ដាលបច្ចេកទេស ​ និង​វិជ្ជាជីវៈដល់យុវជន​កម្ពុជា ដែលក្នុងនោះរួមមាន វិទ្យាស្ថានអភិវឌ្ឍន៍មុខ​ជំនាញកម្ពុជា-ថៃ អង្គការ PSE សាលាដុនបូស្កូ និង​គ្រឹះស្ថានផ្សេងទៀត។

កម្មវិធីប្រកួតនេះផ្ដោតលើ​មុខជំនាញ​ជា​ច្រើន​រួមមាន ជំនាញត​បណ្ដាញអគ្គិសនី ជំនាញ​សរ​សេរ​កម្មវិធី​កុំព្យូទ័រ​ធុរកិច្ច​ ជំនាញ​រៀប​ឥដ្ឋ និងជំនាញរៀបការ៉ូជាដើម។

ក្នុងឱកាស​អញ្ជើញជា​អធិបតី​ក្នុងពិធីបើកនោះ ឯកឧត្តម បណ្ឌិត​ពេជ សោភ័ន រដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការ​ប្រចាំការ​ក្រសួងការងារ និងបណ្ដុះបណ្ដាលវិជ្ជាជីវៈ មានប្រសាសន៍ថា៖

ក្រុមហ៊ុន អេសស៊ីជី បានឲ្យដឹងថា ការឧបត្ថម្ភដល់កម្មវិធី​ប្រកួតប្រជែងបែបនេះ គឺមានគោលបំណងចូលរួមជាមួយរដ្ឋាភិបាលក្នុងការអភិវឌ្ឍ​ជំនាញរបស់​កម្លាំងពលកម្មរបស់​ប្រទេសកម្ពុជាឲ្យ​កាន់តែមានជំនាញ និងផលិតភាពខ្លាំងជាងមុន ហើយទៅថ្ងៃអនាគតពួកគេនឹង​អាចជួយជំរុញផលិតភាពរបស់ក្រុមហ៊ុនបាន នៅពេលដែលកម្លាំងពលកម្មជំនាញទាំងនោះចូលរួមធ្វើការ​បម្រើ​ឲ្យ​សកម្មភាពអាជីវកម្មរបស់ក្រុមហ៊ុន។

ក្នុងកម្មវិធីប្រកួតជំនាញថ្នាក់ជាតិនេះ បេក្ខជន​ដែលឈ្នះបានមេដាយមាស​នឹង​ទទួលបានរង្វាន់លើកទឹកចិត្ជាទឹកប្រាក់ ៣ លានរៀន មេដាយប្រាក់ទទួលបាន ២ លានរៀន និងមេដាយសំរិទ្ធទទួលបាន ១លានរៀល។ បេក្ខជនជ័យលាភីក៏មាន​ឱកាស​ទៅចូលរួមប្រកួតប្រជែងជំនាញ​នៅថ្នាក់តំបន់ និង​​សកល​លោក​ផងដែរ។

ឯកឧត្តម បណ្ឌិត​ពេជ សោភ័ន មានប្រសាសន៍ថា កន្លងមកកម្ពុជា​ធ្លាប់បានចូលរួម​នៅ​ក្នុងការ​ប្រកួតជំនាញនៅ​ថ្នាក់អាស៊ានជា​ច្រើនលើកមកហើយ ហើយក៏បានឈ្នះមេដាយ​សម្រាប់ប្រទេស​ជាតិផងដែរ។ ឯកឧត្តម បណ្ឌិត បានបន្តថា ក្នុងឆ្នាំ ២០១៥ កម្ពុជាក៏បានចូលរួម​​ក្នុងការ​ប្រកួតជំនាញនៅ​ក្នុង​ប្រទេស​ចិន​ដោយបានឈ្នះមេដាយមាស​​សម្រាប់​វិញ្ញាសារ​ម៉ាស៊ីនស្វ័យប្រវត្តិកម្មថែមទៀតផង៕