ភ្នំពេញ៖ កាន់តែផ្ទុះការចាប់អារម្មណ៍ខ្លាំងសម្រាប់បុណ្យកឋិនទាននៅក្នុងឆ្នាំនេះ ដោយម្ចាស់ពានទាំង៤ ដែលរំលេចចេញពីកម្មវិធីប្រឡងចម្រៀងលំដាប់ពិភពលោកផ្សេងគ្នា ជួបគ្នាក្នុងបទចម្រៀងតែមួយដែលច្រៀងអបអរនាឱកាសបុណ្យកឋិនក្នុងឆ្នាំ ២០២២ នេះ។
បទចម្រៀងដ៏ពិរោះរណ្ដំ និងអមដោយ MV បរិយាកាសស្រស់បំព្រង ទិដ្ឋភាពបែបស្រុកស្រែចម្ការនៃពិធីដង្ហែរអង្គកឋិនទានតាមទំនៀមទំលាប់ខ្មែរ ដែលមានអ្នកចូលរួមច្រើនកុះករ ពិតជាធ្វើអោយបទចម្រៀងមួយបទនេះកាន់តែរស់រវើក និងពោរពេញដោយឈុតឆាកសប្បាយរីករាយជាច្រើន ដែលបទនេះមានការចូលរួមសម្ដែងដោយ លោកពូកុយ លោកពូក្រឹម អ្នកមីងគ្រត និងអ្នកនាង សិទ្ធី នីកា រួមទាំងតារាសម្ដែងជាច្រើនទៀត។ អ្វីដែលកាន់តែគួរអោយចាប់អារម្មណ៍ជាងនេះទៅទៀតនោះ គឺម្ចាស់ពានទាំង៤ ឆ្នាំនេះលេងឈុតធំតែម្ដង គឺជិះឧទត្ថម្ភាគចក្រទៅចូលរួមនៃពិធីអង្គកឋិនទាន។
គួរជម្រាបថា បទចម្រៀង «កឋិនធីលម៉ូង» ជាការបកស្រាយរួមគ្នាដោយលោក លីម តិចម៉េង ម្ចាស់ពាន Cambodian Idol Season 4 លោក ចាន់ សុបញ្ញា ម្ចាស់ពាន X Factor Cambodia, ពេជ្រ ថៃ ម្ចាស់ពាន The Voice Kids Cambodia Season 1 និង ភឿន សុភាព ម្ចាស់ពាន Cambodian Idol Junier។
បទនេះដែរជាស្នាដៃនិពន្ធទំនុកច្រៀង និពន្ធភ្លេង និងសម្រួលតន្ត្រីដោយលោក ឈិត តេងរិទ្ធិ ព្រមទាំងដឹកនាំសម្ដែងដោយលោក កែ វិបុល អ្នកដឹកនាំសម្ដែង MV ចាស់វស្សាក្នុងផលិតកម្មរស្មីហង្សមាស៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
