ក្រោយបវរកញ្ញាពីររូប ប្រកាសមិនបានទៅប្រកួតលើឆាក អន្តរជាតិ វត្តីសារ៉ាឌ្ឍី បញ្ជាក់ពីថ្លៃចំណាយចេញទៅប្រកួតភ្លែត

កម្សាន្ត៖ អាចនិយាយបានថា ថ្មីៗនេះ ប្រិយមិត្តនិយមតាមដានរាល់សកម្មភាពបវរកញ្ញា ប្រាកដជាបានដឹងរួចមកហើយថា មុននេះបវរកញ្ញាកម្ពុជាចំនួន២រូប បានប្រកាសផ្អាកចេញទៅប្រកួតលើឆាកអន្តរជាតិ។ ដោយកញ្ញា ហង្ស សុរិយ៉ាន់ នាងបានបង្ហើបថា រូបនាងមានបញ្ហាសុខភាព ទើបមិនបានចេញទៅប្រកួតក្នុងកម្មវិធី Miss Earth 2022។ 

យ៉ាងណាមិញ នាព្រឹកនេះផងដែរ បវរកញ្ញា Miss Planet Cambodia កញ្ញា ប៉ុន សុរ៉ាវត្តី នាងបានបង្ហោះសារបង្ហាញដំណឹងជាសាធារណៈឲ្យមហាជនបានដឹងថា រូបនាងមិនអាចទៅចូលរួមប្រកួតលើឆាក Miss Planet International នៅប្រទេសUgandaបានឡើយ។ មូលហេតុនៅទីនោះ កំពុងផ្ទះមេរោគអេបូឡា។ ម្យ៉ាងនាងមិនមានលទ្ធភាពរ៉ាប់រងលើថ្លៃចំណាយ ទៅប្រកួតមួយនេះឡើយ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាង ខណៈបវរកញ្ញា Miss Earth Cambodia 2022 និងបវរកញ្ញា Miss Planet Cambodia 2022 ទាំងពីររូបនេះ ប្រកាសមិនបានចូលរួមប្រកួតលើឆាកអន្តរជាតិ ស្រាប់តែកញ្ញា ពេជ្រ វត្តីសារ៉ាវឌ្ឍី លំដាប់រងទី៥ Miss Grand International 2022 បានចេញមកទម្លាយ ពីថ្លៃចំណាយពេលចេញទៅប្រកួត ដោយនាងបានចំណាយអំឡុងពេល ចេញទៅប្រកួតអស់ខ្ទង់ ៨០០០ដុល្លារ ទៅ១៤០០០ដុល្លារឯណោះ៕ 

សូមទស្សនារូបភាពខាងក្រោម៖ 

• រូបភាព
• តារាខ្មែរ