សាលា Shrewsbury International Phnom Penh ផ្តល់អាហារូបករណ៍ចំនួន $500,000 សម្រាប់ការចុះឈ្មោះចូលរៀនឆ្នាំសិក្សា 2023 និង 2024

ភ្នំពេញ៖ សាលាអន្ដរជាតិ Shrewsbury ភ្នំពេញ ដែលមានមូលដ្ឋាននៅចក្រភពអង់គ្លេស កំពុងផ្តល់កម្មវិធីអាហារូបករណ៍ $500,000 សម្រាប់ឆ្នាំសិក្សាថ្មី 2023-2024 ដើម្បីទទួលស្វាគមន៍សិស្សានុសិស្សមកទទួលការសិក្សាតាមស្តង់ដារអប់រំរបស់ចក្រភពអង់គ្លេស ក៏ដូចជាការរួមចំណែកក្នុងការអភិវឌ្ឍន៍វិស័យអប់រំរបស់ព្រះរាជាណាចក្រកម្ពុជា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សាលាអន្តរជាតិ Shrewsbury ភ្នំពេញ បានបើកដំណើរការជាផ្លូវការនៅដើមខែកញ្ញា ឆ្នាំ 2022 ក្នុងគោលបំណងផ្តល់ការអប់រំលំដាប់ពិភពលោកដល់យុវជនយុវតីវ័យក្មេងដែលសក្ដានុពល ដែលពួកគេនឹងក្លាយជាអ្នកកំណត់អនាគតល្អប្រសើរនៃប្រទេសកម្ពុជា និងពិភពលោក។ សាលានេះមានគោលបំណងលើកទឹកចិត្តឲ្យឪពុកម្តាយរបស់កុមារដែលមានភាពវៃឆ្លាតខ្ពស់ធ្វើការជ្រើសរើសសាលា Shrewsbury ហើយឥឡូវនេះសាលាកំពុងចាប់ដំណើរការកម្មវិធីអាហារូបករណ៍ Gifted Children Scholarship សម្រាប់កុមារដែលមានអំណោយទានពិសេសផងដែរ។

ចាប់តាំងពីការបើកដំណើរការមក សាលាអន្តរជាតិ Shrewsbury ភ្នំពេញ បានទាក់ទាញជិតមួយភាគបួននៃសិស្សកំពូលនិងពូកែ សម្គាល់ដោយការធ្វើតេស្ត IQ ដែលត្រូវបានទទួលស្គាល់ជាអន្តរជាតិ និងមកពីវប្បធម៌ចម្រុះទាំង 11 សញ្ជាតិផ្សេងៗគ្នាមកដាក់ពាក្យរៀននៅសាលា។ អ្វីដែលកាន់តែគួរឱ្យភ្ញាក់ផ្អើលនោះ ក្នុងចំណោមបេក្ខជនទាំងអស់ អ្នកដាក់ពាក្យដែលក្មេងជាងគេមានអាយុត្រឹមតែ 4 ខែប៉ុណ្ណោះ។

លោក Charles Wong ដែលជាសហស្ថាបនិក និងជានាយកប្រតិបត្តិរបស់សាលាអន្តរជាតិ Shrewsbury ភ្នំពេញ ដែលធ្លាប់បានបម្រើការនៅក្នុងជាង 10 ប្រទេសជុំវិញពិភពលោកក្នុងវិស័យអប់រំក្នុងរយៈពេល 20 ឆ្នាំចុងក្រោយនេះ បានមានប្រសាសន៍ថា សាលាអន្តរជាតិ Shrewsbury ភ្នំពេញ គឺជាសាលាល្អបំផុតនៃប្រព័ន្ធអប់រំរបស់ចក្រភពអង់គ្លេស ដែលមានប្រសិទ្ធភាពត្រូវបានគេទទួលស្គាល់រយៈពេល ជាង 400 ឆ្នាំមកហើយ។

លោក Charles Wong ជឿជាក់យ៉ាងមុតមាំលើការប្រើប្រាស់ទិន្នន័យជាក់ស្តែង ហើយកំណត់ត្រាតាមដានរបស់សាលា Shrewsbury ចក្រភព្រអង់គ្លេសបង្ហាញថា 20ភាគរយនៃនិស្សិតបញ្ចប់ការសិក្សាឆ្នាំ2021 របស់ខ្លួនបានបន្តការសិក្សានៅសាកលវិទ្យាល័យកំពូលទាំង 20 របស់ពិភពលោកដូចជា Cambridge, Oxford និង MIT ជាដើម។

អ្វីដែលរឹតតែសំខាន់នោះ សាលានឹងអញ្ជើញមន្រ្ដីរាជការចក្រភពអង់គ្លេសមកចូលរួមចែករំលែកអំពីបេសកកម្មរបស់សាលានៅថ្ងៃបើកទទួលចុះឈ្មោះចូលរៀន និងទទួលពាក្យអាហារូបករណ៍​នៃសាលាអន្តរជាតិ Shrewsbury ភ្នំពេញ ត្រូវនឹងថ្ងៃទី 19 ខែវិច្ឆិកា នៅសណ្ឋាគារ Raffles រួមជាមួយនឹងក្រុមថ្នាក់ដឹកនាំសាលារបស់យើង និងមានគោលដៅចង់ឲ្យប្រជាជនកម្ពុជាឱ្យយល់កាន់តែច្បាស់អំពីប្រព័ន្ធអប់រំចក្រភពអង់គ្លេស ដែលសាលា Shrewsbury ផ្តល់ឲ្យសាលាអន្តរជាតិក្នុងប្រទេសកម្ពុជា។

អាហារូបករណ៍នឹងត្រូវបានដាក់ឱ្យដំណើរការតាមរយៈការធ្វើតេស្ត IQ ដែលត្រូវបានទទួលស្គាល់ជាអន្តរជាតិ ដែលភ្ជាប់មកជាមួយរបាយការណ៍ផ្លូវការមួយ។ ការធ្វើតេស្ត IQ នេះមានតម្លៃស្មើនឹងទឹកប្រាក់ចំនួន 600ដុល្លារ ដែលនឹងមិនត្រូវបានគិតថ្លៃ ដែលជាផ្នែកនៃកម្មវិធីផងដែរ។ ដើម្បីធានាបាននូវភាពត្រឹមត្រូវនៃការធ្វើតេស្តនេះ ភាគីទីបីដែលមានអ្នកជំនាញមួយត្រូវបានគេស្គាល់ក្នុងនាមថា Tutor Impact UK ត្រូវបានចូលរួមដោយសាលាអន្តរជាតិ Shrewsbury Phnom Penh ដើម្បីធ្វើតេស្ត IQ ដល់សិស្សដែលចាប់អារម្មណ៍។ Tutor Impact គឺជាក្រុមអប់រំអន្តរជាតិដែលមានមូលដ្ឋាននៅទីក្រុង Oxford ចក្រភពអង់គ្លេស។ ពួកគេផ្តល់ការបណ្តុះបណ្តាលជំនាញទន់ ការវាយតម្លៃផ្នែកចិត្តវិទ្យាដល់សិស្សដល់ថ្នាក់ទី១២ ក្នុងប្រទេសចំនួន 10 ផ្សេងៗគ្នា ក៏ដូចជាសេវាកម្មចូលរៀននៅសាកលវិទ្យាល័យឈានមុខគេក្នុងចក្រភពអង់គ្លេស។

កុមារអាយុចន្លោះពី 4 ទៅ 11 ឆ្នាំមានសិទ្ធិទទួលបានការធ្វើតេស្ត IQ នេះ ហើយពួកគេនឹងបែងចែកទៅតាមប្រភេទ រួមមាន៖ Early Years គឺជាកុមារដែលមានអាយុពី 2 ទៅ 5 ឆ្នាំ, ដំណាក់កាលសំខាន់ទី 1 មានអាយុពី 5 ទៅ 7 ឆ្នាំ; និងដំណាក់កាលសំខាន់ទី 2 មានអាយុពី 7 ទៅ 11 ឆ្នាំ។ ពិន្ទុ IQ ពី 130 ឬខ្ពស់ជាងនេះ ត្រូវបានចាត់ទុកថាជាកម្រិតអំណោយទានពិសេស ខណៈអ្នកដែលមានពិន្ទុ IQ ពី 120-129 គឺនៅកម្រិតខ្ពស់។ ក្រៅពីអាហារូបករណ៍សិក្សា យើងមានសេចក្តីសោមនស្សរីករាយក្នុងការផ្តល់អាហារូបករណ៍បន្ថែមសម្រាប់តន្ត្រី និងកីឡាដល់ដំណាក់កាលគន្លឹះទី2 និង 3 ដែលអាហារូបករណ៍សរុបរួមមានចំនួន១៦ក្នុងឆ្នាំ 2023/24 បើធៀបនឹងអាហារូបករណ៍ក្នុងឆ្នាំ 2022/23 មានចំនួន៩តែប៉ុណ្ណោះ។

នៅខែមិថុនា ឆ្នាំ2022 សាលាបានទទួលពាក្យស្នើសុំអាហារូបករណ៍ជិត 100ពាក្យ ហើយចុងក្រោយ មានកុមារចំនួន 77 នាក់មានលក្ខណៈសម្បត្តិគ្រប់គ្រាន់ដើម្បីចូលរួមក្នុងព្រឹត្តិការណ៍ការធ្វើតេស្ត IQ នៅថ្ងៃទី 4 និងទី 5 ខែមិថុនា។ នៅក្នុងនោះកុមារ13នាក់ (17%) បានធ្វើតេស្តបានលទ្ធផលនៅកម្រិត 'អំណោយទាន' (IQលើសពី 130) និង 10នាក់ទៀត (13%) បានធ្វើតេស្តបានលទ្ធផលនៅកម្រិត 'កម្រិតខ្ពស់' (IQ ចន្លោះពី120-129)។

នេះសបញ្ជាក់ថា អ្នកធ្វើតេស្តរបស់សាលាបានធ្វើបានល្អយ៉ាងខ្លាំងដែលលើសពីចំនួនមធ្យមភាគរបស់ពិភពលោកដែលមានត្រឹមតែ 6-8% នៃកុមារដែលត្រូវបានធ្វើតេស្តថាជាកុមារ "មានអំណោយទាន" នេះបើយោងតាមសមាគមជាតិសម្រាប់កុមារមានអំណោយទាន។ ក្នុងចំណោមកុមារ 77 នាក់នេះ ដែលបច្ចុប្បន្នចូលរៀននៅសាលាចំនួនប្រហែល 45 ផ្សេងគ្នាក្នុងទីក្រុងភ្នំពេញ កុមារចំនួន​ 9 (12%) បានឈ្នះអាហារូបករណ៍សាលាអន្តរជាតិ Shrewsbury ភ្នំពេញ ដែលធ្វើឱ្យវាក្លាយជាដំណើរការប្រលងអាហារូបករណ៍ដែលមានលក្ខណះប្រកួតប្រជែងខ្ពស់។

ក្នុងការទទួលស្គាល់នូវការអនុវត្តដ៏ល្អក្នុងការធ្វើតេស្ត IQ ដោយកុមារ 'មានអំណោយទាន' និង 'កំពូល' ហើយជាមួយនឹងគោលដៅនៃការបន្តផ្តល់ការរីកចម្រើនខាងសង្គម អារម្មណ៍ និងបញ្ញាដល់ពួកគេ សាលានឹងផ្តល់ជំនួយបន្ថែមចំនួន 5,000ដុល្លារ សម្រាប់ការចូលរៀនរយៈពេលមួយឆ្នាំនៃកម្មវិធី Gifted & Talented Program (GTP) ដែលបង្រៀនដោយសិស្សបញ្ចប់ការសិក្សារបស់ Oxford & Cambridge​ នៃ Tutor Impact ចក្រភពអង់គ្លេស (www.tutor-impact.com)។

កម្មវិធីអាហារូបករណ៍ Shrewsbury នឹងបើកទទួលពាក្យសុំអារូបករណ៍ចាប់ពីថ្ងៃទី 1 ខែវិច្ឆិកា ឆ្នាំ 2022 ហើយនឹងបិទនៅថ្ងៃទី 28 ខែវិច្ឆិកា ឆ្នាំ 2022។ លទ្ធផលនៃកម្មវិធីអាហារូបករណ៍នឹងត្រូវប្រកាសនៅថ្ងៃទី 12 ខែធ្នូ ឆ្នាំ 2022។ អ្នកអាចដាក់ពាក្យដោយផ្ទាល់នៅសាលា ឬអាចចូលមើលការដាក់ពាក្យតាមរយៈគេហទំព័រ (https://bit.ly/3SVHyXX) ឬទំព័រហ្វេសប៊ុក (https://bit.ly/3fqFFVv)។

សម្រាប់បេក្ខជនដែលទទួលបានជោគជ័យទាំងអស់ក្នុងការធ្វើជាគ្រួសាររបស់សាលាយើង យើងមានសេចក្តីសោមនស្សរីករាយក្នុងការឧបត្ថម្ភឪពុកម្តាយទាំងពីររបស់ជ័យលាភីអាហារូបករណ៍មកទស្សនកិច្ចសាលា Shrewsbury នៅចក្រភពអង់គ្លេសរយៈពេល 5 ថ្ងៃក្នុងឱកាសបុណ្យចូលឆ្នាំខ្មែរឆ្នាំ 2023។ កុំខកខានឱកាសមាសដើម្បីទទួលយកបទពិសោធន៍សាលារដ្ឋដ៏អស្ចារ្យមួយក្នុងចំណោមសាលារដ្ឋទាំងប្រាំបួននៅក្នុងចក្រភពអង់គ្លេស។

សាលាអន្តរជាតិ Shrewsbury ភ្នំពេញបានបើកដំណើរការហើយនៅទីតាំង Flatiron ក្នុងរាជធានីភ្នំពេញស៊ីធីសេនធ័រ (សម្រាប់កុមារអាយុពី ២ ទៅ ៥ឆ្នាំ)។ បរិវេណសាលាសំខាន់របស់សាលាគ្រោងនឹងបើកនៅខែកញ្ញាឆ្នាំ 2024 ក្នុងខណ្ឌជ្រោយចង្វារភាគខាងជើងនៃទីក្រុង។ បរិវេណសាលាធំនឹងផ្តល់អាហារដល់សិស្សបឋមសិក្សា និងមធ្យមសិក្សា និងផ្តល់កន្លែងស្នាក់នៅ។

អំពីសាលាអន្តរជាតិ Shrewsbury ភ្នំពេញ

សាលា Shrewsbury School UK នៃចក្រភពអង់គ្លេស គឺជាសាលា ដ៏ធំជាងគេមួយក្នុងចំណោមសាលាសាធារណៈ​ទាំងប្រាំពីរ​ដែលកត់ត្រាទុកជាសាលាសាធារណៈដ៏ល្បីមួយក្នុងឆ្នាំ ១៨៦៨ អំពីការប្រើប្រាស់លក្ខណៈពិសេសល្អ​បំផុតនៃប្រព័ន្ធអប់រំរបស់ចក្រភពអង់គ្លេស។ នៅចក្រភពអង់គ្លេស សាលានេះបានឈ្នះពានរង្វាន់សាលាឯករាជ្យល្អបំផុតប្រចាំឆ្នាំ ២០២០។ ជាមួយគ្នានេះដែឬ  សាលានេះមានអតីតនិស្សិតល្បីៗ រួមទាំងលោក Sir Charles Darwin ផងដែរ។ សាលាអន្តរជាតិ Shrewsbury ភ្នំពេញ ត្រូវបានបង្កើតឡើងនៅក្នុង អគារពាណិជ្ជកម្ម Flatiron នឹងបើកដំណើការជាផ្លូវការចាប់ពីខែកញ្ញា ឆ្នាំ ២០២២  ក្នុងការផ្តល់ការអប់រំស្តង់ដារអន្តរជាតិដ៏ទំនើបទាន់សម័យ សម្រាប់កុមារានិងកុមារីកម្ពុជា។  សាលានឹងអនុលោមតាមកម្ម​ធីសិក្សា​ពិសេសរបស់សាលា​Shrewsbury នៃចក្រភពអង់គ្លេស  តាមបែប Floreat ដែលផ្តល់នូវការអប់រំ សហកម្មវិធីសិក្សា និងគ្រូ​បង្គោលដ៏ល្អៗ ជាមួយនឹងថ្នាក់រៀនដ៏ទំនើប ការលេងកីឡា ការសម្តែង ការលេងតន្ត្រី និងសំភារៈដ៏ទំនើបៗទាន់សម័យ។ ភាសាអង់គ្លេស ខ្មែរ និងភាសាចិន នឹងត្រូវបានផ្តល់ជូនដល់កូនៗរបស់លោកអ្នក។

• ទីកន្លែង