ទីបំផុត Patricia អាចយកឈ្នះចិត្តព្រានរបស់សេដ្ឋីមួយនេះបាន ខណៈមង្គលជិតមកដល់

ថៃ៖ គឺជារឿងដែលហ្វេនៗជាច្រើន កំពុងតែអបអរ និងចាំតាមដាន ចំពោះតារាស្រីវ័យក្មេង Patricia និងលោក Note Vises ដែលអ្នកទាំងពីរបានបើកបង្ហាញពីភាពផ្អែមល្ហែម ព្រមទាំងបង្ហើបពីថ្ងៃរៀបការយ៉ាងច្បាស់ៗនៅចុងឆ្នាំនេះ បន្ទាប់ពីការស្នើរសុំគ្នារៀបការយ៉ាងរ៉ូមែនទិករួចរាល់។ 

យ៉ាងណាមិញ ក្នុងឱកាសដ៏ល្អមួយទៀតនេះ តារាស្រីវ័យក្មេងរូបនេះ ក៏បានដឹកដៃគូស្នេហ៍របស់ខ្លួន លោក Note Vises ព្រមជាមួយនឹងការតុបតែងខ្លួនក្នុងឈុតប្រពៃណីយ៉ាងស្រស់សោភា បង្ហាញខ្លួននៅឯវត្ត ដើម្បីទៅធ្វើបុណ្យរួមគ្នា កាលពីថ្ងៃទី៣ ខែវិច្ឆិកា កន្លងទៅនេះ ដែលបានឃើញហើយ ប្រៀបដូចជាកំពុងតែដឹកដៃគ្នារៀបចំមង្គលការ ទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម៉្យាងវិញទៀត ក្រោយពីបានបង្ហាញបែបនេះ បណ្ដាអ្នកគាំទ្រជាច្រើន ក៏បានចូលមកសរសើរពីភាពស្រស់ស្អាត របស់ Patricia ដែលមើលទៅនាង គឺជា​កូនក្រមុំ​ដ៏លេចធ្លោមួយរូប ព្រមទាំងមានភាពសាកសមទៅនឹងអនាគតស្វាមីយ៉ាងខ្លាំង និងធ្វើឲ្យអ្នកគាំទ្រកាន់តែចង់ឃើញ ពីពេលវេលាសំខាន់ក្នុងថ្ងៃរៀបការខាងមុខនេះ របស់អ្នកទាំងពីរ ផងដែរ៕ 

ប្រភព៖ Sanook

សូមទស្សនារូបភាពខាងក្រោម៖ 

• តារាថៃ