សម្រស់របស់ព្រះអង្គ នៃប្រទេសព្រុយណេ ធ្វើឲ្យនារីៗខ្មែរជ្រួលពេញអ៉ិនធើណែត

កម្សាន្ត៖ ពិតណាស់ ប្រិយមិត្តភាគច្រើន បានស្គាល់រួចមកហើយនូវវត្តមានព្រះអង្គម្ចាស់ Abdul Mateen ព្រះជន្ម ៣០ ព្រះវស្សា ដែលជាព្រះរាជបុត្រារបស់ប្រទេសព្រុយណេ ដោយកន្លងមកព្រះអង្គ ត្រូវបានសារព័ត៌មានចុះផ្សាយញឹកញាប់ណាស់ ពីព្រះភក្រ្តដ៏ស្រស់សង្ហារបស់ព្រះអង្គ ក៏ដូចជាស្នាមព្រះហត្ថ ចំណេះដឹងខ្ពង់ខ្ពស់លើសគេរបស់ទ្រង់ ។

យ៉ាងណាមិញ ព្រះចៅស៊ុលតង់ ហាជី ហាលសាណាល់ បុលគីយ៉ាស់ មុយអ៊ីហ្សាឌីន វ៉ាឌូឡាហ៍ (Haji Hassanal Bolkiah Mu’izzaddin Waddaulah) ព្រះមហាក្សត្រ នៃប្រទេសព្រុយណេដារូហ្សាឡឹម បានដឹកនាំគណៈប្រតិភូយាងមកដល់ព្រលានយន្តហោះអន្តរជាតិភ្នំពេញ កាលពីរសៀលថ្ងៃទី០៩ ខែវិច្ឆិកា ឆ្នាំ២០២២នេះ ដើម្បីចូលរួមកិច្ចប្រជុំកំពូលអាស៊ានលើកទី៤០ និងទី៤១ និងកិច្ចប្រជុំកំពូលពាក់ព័ន្ធ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះ គេក៏សង្គេតឃើញវត្តមាន ព្រះអង្គម្ចាស់ Abdul Mateen អមដំណើរមកជាមួយផងដែរ។ ពោលគឺ វត្តមានរបស់របស់ ព្រះអង្គម្ចាស់ Abdul Mateen បានធ្វើឲ្យមានការរំជើបរំជួលដល់ ក្រសែភ្នែកអ្នកលេងបណ្ដាញសង្គមខ្លាំងមែនទែន ជាពិសេសគឺនារីៗតែម្ដង គឺ​ព្រះអង្គម្ចាស់​ដ៏​ស្រស់​សង្ហា​របស់​ប្រទេស​ព្រុយណេ ដែល​ទទួល​បាន​ព្រះ​កិត្តិនាម​ល្បី​រន្ទឺ​លើ​បណ្ដាញ​សង្គមនានា ​ហើយ​ទ្រង់​ក៏​ពុំ​ដែល​លាក់លៀម​ពី​ជីវិត​ខាងក្រៅ​របស់​ទ្រង់​ឡើយ។

ជារឿយៗ ព្រះ​រាជបុត្រ Abdul Mateen តែង​បង្ហោះ​ភាគច្រើន​ ជា​រូប​លេង​កីឡា​ផ្សេង​ៗ ហាត់ប្រាណ រូប​ជាមួយ​សត្វ​ចិញ្ចឹម​ រូប​ក្នុង​រាជវាំង ឬ​រាជដំណាក់ និង​សម្ភារៈ​មាន​តម្លៃ​កប់ពពកជាច្រើន ព្រម​ទាំង​ការ​ចូលរួម​ក្នុង​កម្មវិធី​ជាមួយ​ខ្សែ​រាជវង្ស​ដទៃ​ទៀតផងដែរ៕

សូមទស្សនារូបភាពខាងក្រោម៖