ក្នុងថ្ងៃពិសេស អតីតប្រធានាធិបតី Donald Trump បណ្ដើរកូនស្រីចូលរោងការឡើងកក់ក្ដៅ

បរទេស៖ យោងតាមទំព័រ Six បានបង្ហាញថា ពិធីមង្គលការរបស់ Tiffany ដែលជាកូនស្រី អតីតប្រធានាធិបតី លោក Donald Trump និង Michael Boulos ត្រូវបានប្រារព្ធឡើងនៅរមណីយដ្ឋាន Mar-a-Lago របស់អតីតប្រធានាធិបតីរូបនេះ ក្នុងទីក្រុង Palm Beach កាលពីថ្ងៃទី ១២ ខែវិច្ឆិកាកន្លងទៅនេះ។ 

នៅក្នុងនោះដែរ ពិធីមង្គលការដ៏រីករាយមួយនេះ បានធ្វើឡើងនៅខាងក្រៅ ដែលទីកន្លែង​រៀប​ការ​ ត្រូវ​បាន​តុបតែង​យ៉ាង​ល្អិតល្អន់ មានភាពទាន់សម័យ ដោយ​មាន​ពណ៌​សំខាន់​ចំនួន​បី ​គឺ​ពណ៌​ខៀវ ផ្កាឈូក និង​ស ព្រមទាំងមានផ្កា​ថ្លៃៗ​ជាច្រើន​ប្រភេទ​ ដែលត្រូវ​បាន​​ប្រើ ​ដើម្បី​តុបតែង​ពី​ច្រក​ចូល​ទៅ​ដំណាក់កាល​សំខាន់។ ជាពិសេស ក៏មានសមាជិកគ្រួសារ មិត្តភ័ក្តិ និងសហការីមួយចំនួន មានវត្តមាន ដើម្បីជូនពរដល់គូស្វាមីភរិយាថ្មីគូនេះ ទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលសំខាន់ជាងនេះ តាមរយៈប្រភពព័ត៌មាន បានបើកបង្ហាញពីរូបភាព ដែលអតីតប្រធានាធិបតី លោក Donald Trump បានដើរចូលទៅក្នុងច្រកផ្លូវ រួមជាមួយនឹងការបណ្ដើរកៀកដៃកូនស្រីរបស់ខ្លួន មុនពេលប្រគល់កូនក្រមុំទៅកូនកំលោះ ពោរពេញដោយស្នាមញញឹម និងភាពកក់ក្ដៅ ផងដែរ៕

ប្រភព៖ Zingnews

សូមទស្សនារូបភាពខាងក្រោម៖