ថៃ៖ ពិតណាស់ថា អាជីពជាតារា គឺជាអាជីពមួយដែលទទួលបានប្រាក់ចំណូលខ្ពស់ ប្រសិនបើទទួលបានការពេញចិត្ត និងការគាំទ្រពីមហាជន។ តែទោះជាយ៉ាងណា វាក៏មិនមែនជារឿងស្រួលនោះទេ សម្រាបសិល្បករទាំងឡាយ ដែលបានប្រឡូក និងអាចឈានចូលដល់លំដាប់កំពូល ដែលអាចទទួលបានចំណូលយ៉ាងច្រើន ផងដែរ។
ដោយឡែក តាមរយៈប្រភពសារព័ត៌មាន Thairath ថ្មីៗនេះ ក៏បានបង្ហាញពីតម្លៃរបស់ តារាៗសិល្បៈមួយចំនួន ដែលកំពុងតែធ្វើឲ្យអ្នកគាំទ្រផ្ទុះការចាប់អារម្មណ៍ ដោយគ្រាន់តែឃើញលេខតម្លៃរបស់ពួកគេ ពេលត្រូវបានអញ្ជើញឲ្យចូលរួមកម្មវិធីម្ដងៗ ទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើចង់ជ្រាប់ច្បាស់ថា មានអ្នកណាខ្លះសូមទស្សនារូបភាពខាងក្រោម៖
១. តារាសម្ដែង លោក Nadech Kugimiya
លោក Nadech Kugimiya គឺជាតួឯកជួរមុខមួយរូប នៅក្នុងឧស្សាហកម្មកម្សាន្តថៃ ទោះបីជា បានចូលប្រឡូកជាច្រើនឆ្នាំទៅហើយក្ថី តែប្រជាប្រិយភាពរបស់តារាប្រុសរូបនេះ មិនបានថមថយនោះទេ រួមជាមួយនឹង តម្លៃប្រាក់ឈ្នួលរបស់លោក ប្រមាណ ៣៥ម៉ឺនបាត (ប្រហែល៩៨០៧ដុល្លារ) នៅក្នុងមួយកម្មវិធី។
២. តារាសម្ដែងស្រី Yaya Urassaya
Yaya Urassaya ក៏ជាកំពូលតារាសម្តែងម្នាក់ក្នុងវិស័យសិល្បៈ ដែលកំពុងតែមានភាពពេញនិយមពីបណ្ដាអ្នកគាំទ្រជាច្រើន ដែលសម្រាប់តម្លៃប្រាក់ឈ្នួលរបស់រូបនាង មានរហូតដល់ ៣០ម៉ឺន បាត (ប្រហែល ៨៤០៥ដុល្លារ) ក្នុងមួយកម្មវិធី។
៣. Phi Phi Krit និង Bukin
គូតារាប្រុសមួយនេះ ត្រូវបានគេលើកឡើងថា មានភាពពេញនិយមមិនធម្មតា ពីអ្នកគាំទ្រ ខណៈដែល ទទួលបានប្រាក់ឈ្នួលរហូតដល់ទៅ ៤៥ ម៉ឺនបាត (ប្រហែលជាង ១២ពាន់ដុល្លារ) ក្នុងមួយកម្មវិធី ។
៤. C Preuk និង Nunew
សម្រាប់តារាពីរដួង ដែលមានអ្នកគាំទ្រច្រើនដូចជា លោក C Phruek និង Nunew ក៏ត្រូវបានលើកឡើងពីប្រាក់ឈ្នួលខ្ពស់សម្រាប់ធ្វើការជាមួយគ្នា ដែលចូលខ្ទង់ ៤០ម៉ឺនបាត (ប្រហែលជាង ១១ពាន់ដុល្លារ) ក្នុងមួយកម្មវិធី។
៥. Engfa Waraha
សម្រាប់បវរកញ្ញា Engfa ដែលជា ម្ចាស់ជ័យលាភីលំដាប់រងទី១ នៅក្នុងកម្មវិធី Miss Grand International ២០២២ គឺកាន់តែមានភាពល្បីល្បាញ និងទទួលបានចំណាប់អារម្មណ៍យ៉ាងក្ដៅគគុក ជាមួយនឹងការបង្ហាញខ្លួនរបស់នាង ។ ហើយសម្រាប់ថ្លៃធ្វើការ១ម៉ោង របស់នាង គឺឡើងថ្លៃខ្ពស់ជាងតារាលំដាប់មួយចំនួនផងដែរ ដោយព្រមជាមួយនឹងអត្រាតម្លៃ ប្រមាណ ៧០ម៉ឺន បាត (ប្រហែលជិត ២ម៉ឺនដុល្លារ)៕
ប្រភព៖ Thairath
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
