ព្រឹត្តិការណ៍ ពិព័រណ៏ ខ្នាតអន្តរជាតិសម្រាប់វិស័យផ្គត់ផ្គង់ ម្ហូបអាហារ សណ្ធាគារ និងបដិសណ្ធារកិច្ច ជាសញ្ញាងើបឡើងវិញនៃវិស័យ ទេសចរណ៍ និង បដិសណ្ឋារកិច្ច នៅកម្ពុជា

ភ្នំពេញ៖ ពិធីសម្ពោធបើកនៃពិព័រណ៏ CAMFOOD’22 និង CAMBUILD’22 បានធ្វើឡើងនៅព្រឹកថ្ងៃទី ១៦​ វិច្ឆិកា នៅសហសាលពិព័រណ៏និងសន្និបាត កោះពេជ្រ រាជធានីភ្នំពេញ។

ព្រឹត្តិការណ៍នេះត្រូវបានសម្ពោធបើកបង្ហាញដាក់តាំង ជាផ្លូវការពីរសំណាក់ ឯកឧត្តម បណ្ឌិ​ត ​ថោង ខុន រដ្ឋមន្ត្រីក្រសួងទេសចរណ៍ ឯកឧត្តម​ លាង​ មុនីរិទ្ធ រដ្ឋលេខាធិការ ក្រសួងរៀបចំដែនដី នគររូបនីយកម្ម និងសំណង់ និង លោក លូ ម៉េង ប្រធាន សហព័ន្ធទេសចរណ៏កម្ពុជា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពិព័រណ៏នេះក៍ទទួលបានការគាំទ្រពីសំណាក់ ស្ថាប័នសំខាន់ៗ រួមមាន សមាគមន៍អូតែលកម្ពុជា សមាគន៍ភោជនីយដ្ឋានកម្ពុជា សមាគមសហគមន៍ចុងភៅកម្ពុជា  និង​វិទ្យាស្ថាន ម្ហូបអាហារកម្ពុជា​ និងគណៈ សា្ថបត្យករ កម្ពុជា ។ ​

លោក ​ MR.DARREN SIOW អ្នកគ្រប់គ្រងនិងរៀបចំកម្មវិធីនេះបានការថ្លែងក្នុងពិធី សម្ពោធបើក កម្មវិធីពិព័រណ៏នេះបានលើកឡើងថា 

ព្រឹត្តិការណ៍នេះតែងតែប្រារព្ធឡើងជារៀងរាល់ឆ្នាំចាប់តាំងពីឆ្នាំ២០០៩មកម្លេះ តែដោយសារតែវិបត្តិ  កូវីដ១៩ បានរាតត្បាត ធ្វើអោយយើងមានការខកខាននៅក្នុងរយះពេល២ ឆ្នាំ ២០២០-២០២១ ។​  ការត្រឡប់មកវិញនៃព្រឹត្តិការណ៍នៅឆ្នាំ២០២២ ត្រូវបានគេមើល សម្គាល់ថាជាសញ្ញាវិជ្ជមាននៃការងើបឡើងវិញនៅក្នុងឧស្សាហកម្មនេះ។

ពិព័រណ៏ CAMFOOD/CAMHOTEL’22 និង CAMBUILD’22 ត្រូវមានការទទួល ស្គាល់យ៉ាង ទូលំទូលាយថាជាពិព័រណ៏អន្តរជាតិដ៏ធំបំផុតនៅក្នុងប្រទេសកម្ពុជាសម្រាប់វិស័យឧស្សាហកម្ម​ ម្ហូបអាហារ​ សណ្ធាគារ បដិសណ្ធារកិច្ច  និង ឧស្សាហកម្មសំណង់ ហើយទទួលបានការគាំទ្រពីសំណាក់ក្រុមហ៊ុនផ្គត់ផ្គង់ទាំងជាតិ និង អន្តរជាតិ សរុបជាង​ ២៥០ ក្នុងការចូលរួមដាក់តាំងបង្ហាញផលិតផលនិងសេវាកម្មពាក់ព័ន្ធ ហើយរំពឹងថានឹង​ ទាក់ទាញអ្នកទស្សនាជាង ១០០០០នាក់ ក្នុងរយៈពេល ៣ថ្ងៃ ។

បន្ថែមលើសពីរការតាំងពិព័រណ៏នេះបានសហការជាមួយ​ សមាគមសណ្ឋាគារកម្ពុជា  រៀបចំ បង្កើតវេទិការស្វែងការងារសម្រាប់វិស័យបដិសណ្ឋារកិច្ច ក៏ដូចជាការប្រកួតប្រជែងរៀបចំគ្រែ របៀបរចនានិងតុបតែងផ្កា និង សិក្ខាសាលាចែករំលែកអំពីបចេ្ចកទេស ការច្នៃប្រឌិតថ្មីៗ ផ្នែក វិស័យការហ្វេរ ការគ្រប់គ្រងបដិសណ្ឋារកិច្ច និង​សំណង់ជាដើមដែលរៀបចំឡើងដោយអ្នកជំនាញជាច្រើន ។​

ពិព័រណ៍នេះនិងប្រព្រឹត្តទៅចាប់ពីម៉ោង ៩​ព្រឹក​ ដល់ម៉ោង ៦ល្ងាច​ចាប់ពីថ្ងៃ១៦ដល់ថ្ងៃ១៨​ ខែវិច្ឆិកា​ ឆ្នាំ​ ២០២២នេះ។

ចុះឈ្មោះចូលរួមទស្សនាតាមអនឡាញបានតាមរយះ ​ www.camfoodhotel.com និង​www.cambuildexpo.com

សេចក្តីប្រកាសព័ត៏មាននេះត្រូវបានចេញដោយ៖

AMB Tarsus Events Group  www.ambtarsus.com

Email: [email protected]

Tel:  +855 23 880 813/011 238575/096 254 9096 .