កាន់តែស្រណោះ ខាត់ សុឃីម និងបងប្អូន ច្រៀងភ្លេងការទាំងទឹកភ្នែកជូនដំណើរ ខាត់ ចំរើន(មានវីដេអូ)

រាជធានីភ្នំពេញ ៖ មហាជននាំគ្នារំ.ជួលចិត្តជាខ្លាំង ក្រោយទទួលដំណឹងមរ.ណភាព តារាប្រុស ខាត់ ចំរើន ត្រូវជាប្អូនប្រុសបង្កើតរបស់ តារាស្រីពហុជំនាញ ខាត់ សុឃីម កាលពីព្រឹកថ្ងៃទី ២០ ខែវិច្ឆិកា ឆ្នាំ២០២២ កន្លងទៅនេះ បន្ទាប់ពីទទួលដំណឹងរូបលោកចូលក្នុងបន្ទប់ICU មិនដល់១ថ្ងៃផង។

តួយ៉ាង មរ.ណភាពរបស់តារាប្រុស ខាត់ ចំរើន ធ្វើឲ្យគេឯងរ.ន្ធ.ត់ចិត្ត មិនគួរណាអាយុខ្លីយ៉ាងដូច្នេះ ដោយឆ្នាំនេះ រូបលោកមានវ័យត្រឹមតែ៤០ឆ្នាំប៉ុណ្ណោះ មួយវិញទៀត នរណាៗក៏ជ្រាបច្បាស់ថា រូបលោកចង់រស់រានមានជីវិតបន្ត ព្រោះធ្លាប់ប្រាប់ថា កូននៅតូចៗណាស់ បើរូបលោកឈឺមិនបានចេញធ្វើការរកលុយ ខ្លាចកូនរស់នៅលំបាក សូម្បីតែអ្នកនាង ខាត់ សុឃីម ក៏បង្ហើបថា កាលនៅរស់ ទោះបីឈឺយ៉ាងណា ប្រសិនបើប្រពន្ធថាអស់លុយហើយនោះ សុខចិត្តឈឺនៅផ្ទះ មិនព្រមទៅពេទ្យទទួលការព្យាបាលឡើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទៀតសោត អ្នកនាង ខាត់ សុឃីម បញ្ជាក់ថា ស.ពប្អូនប្រុសនឹងត្រូវបូ.ជានៅល្ងាចថ្ងៃទី២១ ខែវិច្ឆិកា នេះហើយ ដោយនៅរសៀលនេះ អ្នកនាងនិងប្អូនៗ បាននាំគ្នាច្រៀងភ្លេងការ ដើម្បីជូនដំណើរប្អូនប្រុសជាលើកចុងក្រោយ និងបានច្រៀងចម្រៀង «ស្មោងអើយស្រីស្មោង» ជាចម្រៀងដែលលោក ខាត់ ចំរើន ចូលចិត្តជាងគេផងដែរ ដោយទិដ្ឋភាពជុំវិញ ពោរពេញដោយភាពក្រៀមក្រំ ទ្រហ៊ោយំគ្រប់ៗគ្នា ធ្វើឲ្យអ្នកតាមដានការផ្សាយបន្តផ្ទាល់ទប់ទឹកភ្នែកមិនជាប់ឡើយ ៕

បើចង់ដឹងឲ្យកាន់តែច្បាស់ថែមទៀត​នោះ តោះទៅមើលរូបភាពខាងក្រោម ៖

• ខាត់ សុឃីម
• ខាត់ ចំរើន
• ការងារ
• ជីវិត
• រូបភាព
• តារាខ្មែរ