បាត់មុខពីសិល្បៈ តារាស្រីទាំងនេះ កំពុងប្រើជីវិតយ៉ាងឡូយឆាយ

កម្សាន្ត៖ ពិតណាស់ ច្រើនឆ្នាំមកនេះ គេឃើញមានសិល្បករ សិល្បការិនីជាច្រើនបានដកឃ្លា ឬផ្អាកពីការងារសិល្បៈ។ ដោយអ្នកខ្លះរៀបការ ប្ដូរទីលំនៅ ទៅរស់នៅបរទេស ខ្លះទៀតប្រកបរបររកស៊ីបង្កើតមុខជំនួញ ទើបគ្មានពេលបំពេញការងារសិល្បៈដូចមុនជាដើម។ 

ទន្ទឹមនឹងផ្អាកពីការងារសិល្បៈ គេឃើញជីវិតឯកជនរបស់សិល្បករ សិល្បការិនីខ្មែរ ជាច្រើនកំពុងសយសុខនឹងជីវិតដ៏ស្ដុកស្ដុម។លើសពីនេះទៅទៀត បើងាកមើលតារាស្រី៣រូប ដែលស្ងាត់ពីវិថីសិល្បៈជិត១០ឆ្នាំ ហើយប្រើជីវិតយ៉ាងហ៊ឺហារនោះមានដូចជា៖ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១៖ អ្នកនាង បេនី យ៉ាំង

អ្នកនាង បេនី យ៉ាំង ជាអតីតតារាសម្ដែងស្រីដែលធ្លាប់ទទួលបានប្រជាប្រិយភាពខ្លាំង។ ហើយក្រោយដកឃ្លាពីការងារសិល្បៈ នាងក៏មានមុខជំនួញក្នុងដៃយ៉ាងច្រើន។ ជាពិសេស បច្ចុប្បន្ន គេដឹងថានាងកំពុងរស់នៅក្នុងផ្ទះវីឡាយ៉ាងស្កឹមស្កៃតម្លៃរាប់សិបម៉ឺនដុល្លារឯណោះ។ 

២៖ កញ្ញា តេង លិក្ខណា 

អតីតតារាសម្ដែង និងពិធីការិនី កញ្ញា តេង លក្ខិណា បានផ្អាកការងារសិល្បៈជិត១០ឆ្នាំមកហើយ។ ក្រោយចាកចេញពីវិថីសិល្បៈនាងហាក់ស្ងាត់លើបណកដាញសង្គមមួយរយៈធំ ប៉ុន្តែថ្មីៗនេះនាងបានបង្ហាញមុខជាថ្មី ដែលកំពុងប្រើជីវិតរស់នៅយ៉ាងហាយសូរតែម្ដង។ 

៣៖ កញ្ញា ណយ

តារាចម្រៀងមកចាស់បទ«កុំស្មោះនៅមុខអូន» កញ្ញា ណយ បានឃ្លាតពីការងារសិល្បៈជិត១០ឆ្នាំ ធ្វើឲ្យហ្វេននឹកនាដល់នាងមិនស្ទើរនោះទេ។ ម្យ៉ាងវិញទៀត បើក្រឡេកមើលជីវិតឯកជន នាងហាក់មានក្ដីសុខ និងប្រើជីវិតយ៉ាងហ៊ឺហារ៕ 

• បេនី យ៉ាំង
• តេង លក្ខិណា
• ណយ
• រូបភាព
• តារាខ្មែរ