ខាងស្រីចាំតែខូ..ច.ចិ..ត្តមែន ពេល Angelababy បង្ហើបរឿងហេតុជាមួយអតីតស្វាមី

ចិន៖ ក្រោយពីបានសម្រេចលែងលះស្វាមីជាផ្លូវការ ជិតមួយឆ្នាំមកនេះ រឿងរ៉ាវនៅក្នុងទំនាក់ទំនងរវាង តារាស្រី Angelababy និងអតីតស្វាមី លោក Huang Xiaoming នៅតែជាទីចាប់អារម្មណ៍ពីហ្វេនៗទាំងឡាយ ជាពិសេស កាលពីកន្លងមក ខាងប្រុសតែងតែត្រូវបានគេលើកឡើងពីចចាមអារ៉ាមស្នេហាថ្មី ជាញឹកញាប់ ផងដែរ។

ដោយឡែក ក្រឡេកមកមើលតារាស្រី Angelababy វិញ ថ្មីៗនេះ ស្រាប់តែមានការបង្ហាញអំពីការបែកបាក់របស់ខ្លួន នៅក្នុងកម្មវិធីមួយ យោងតាមអ្វីដែលតារាស្រីរូបនេះ បានបកស្រាយនិងយល់ស្របថា នៅពេលដែលកំពុងតែមានទំនាក់ទំនងល្អនោះ គឺនាងតែងតែចូលចិត្តរស់នៅក្នុងពិភពមនុស្សពីរនាក់ និងនៅក្បែរមនុស្សជាទីស្រលាញ់របស់នាង។ តែនៅពេលដែលបែកគ្នាភ្លាមនោះ នាងមិនអាចសម្របខ្លួនបាន ហើយថែមទាំងមានអារម្មណ៍ភ័យខ្លាចទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិន​ត្រឹម​តែ​ប៉ុណ្ណោះ តារាស្រី Angelababy បានបង្ហើប​ថា នាង​មិន​មាន​ភាព​ក្លាហាន​ចូល​រួម​ នៅក្នុងទំនាក់​ទំនង​ថ្មី​នោះ​ទេ រួមជាមួយនឹងការពន្យល់​ថា ​រឿង​ស្នេហា​ពេល​ចាប់ផ្តើមដំបូងៗអ្វីៗក៏​ល្អ​ដែរ ប៉ុន្តែ​ ក្រោយៗមក ក៏​មានការ​មិន​ចុះសម្រុង​គ្នា​ច្រើន រហូត​​ឈ្លោះ ​និងឈានដល់ការ​បែក​គ្នា។ ជាពិសេស នាង​បាន​ថែមទាំងបានធ្វើការសួរ​នាំថា ប្រសិន​បើ​​ផ្លាស់​ទៅរក​ទំនាក់ទំនង​ថ្មីផ្សេង តើ​នឹង​អាចសាងកំហុស​ដដែលទៀត ឬយ៉ាងណា។

យ៉ាងណាមិញ ថ្វីត្បិតតែមើលទៅ មិនសំដៅលើ Huang Xiaoming ដោយផ្ទាល់ក៏ដោយ តែការលើកឡើងនេះ អាចបង្ហាញឲ្យអ្នកលេងអ៊ីនធឺណិតចិន គិតថា Angelababy ចង់និយាយអំពីការលែងលះរបស់ខ្លួន និងបានជឿថា អតីតស្វាមីនាង ពិតជាមិនបានស្រលាញ់នាងខ្លាំង ដូចដែលមនុស្សជាច្រើនគិតនោះទេ៕

ប្រភព៖ Ngoisao.vn

សូមទស្សនរូបភាពខាងក្រោម៖ 

• តារាចិន