សញ្ញាទាំងនេះបង្ហាញថា ទារក ឬកុមារ អាលែកហ្ស៊ីជាមួយជាតិសណ្ដែក!

អ្វីជាប្រតិកម្មជាតិសណ្ដែកលើទារក និងកុមារតូចៗ?

ជាតិសណ្ដែក ជាសារជាតិដែលងាយជម្រុញឱ្យមានការអាលែកហ្ស៊ីលើទារក និងកុមារ។ ជាធម្មតាប្រព័ន្ធការពាររាងកាយជាអ្នកការពារយើងពីមេរោគ ឬសារធាតុចំលែកផ្សេងៗ ចឹងនៅពេលដែលក្មេងគាត់មានអាលែកហ្ស៊ីនឹងជាតិសណ្ដែក អង់ទីគ័រគាត់ចាប់ផ្ដើមចាប់ ឬក៏សន្មត់ថា ជាតិសណ្ដែកដែលបានពីអាហារ ឬទឹកដោះគោជាសារធាតុចំលែក ដែលរាងកាយមិនអាចទទួលយកបាន ដូចនេះដើម្បីឆ្លើយតបទៅនឹងជាតិសណ្ដែក រាងកាយក្មេងក៏បញ្ចេញនូវប្រូតេអ៊ីនដែលគេហៅថា អង់ទីគ័រ (immunoglobulin E or IgE) ដើម្បីទៅវាយប្រហារលើសារធាតុចំលែកនោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដូចនេះហើយទើបធ្វើឱ្យមានប្រតិកម្មអាលែកហ្ស៊ីជាតិសណ្ដែកនេះកើតឡើង និងធ្វើឱ្យលេចឡើងនូវរោគសញ្ញាមួយចំនួនដែលអាចស្រាល ឬធ្ងន់។

សូមធ្វើការផ្ដល់នូវជាតិសណ្ដែកនេះទៅកាន់កូនៗរបស់លោកប៉ាអ្នកម៉ាក់ យ៉ាងហោចណាស់ក៏នៅពេលគាត់អាយុ០៦ ខែឡើងទៅដែរ។ ក្នុងករណីលោកប៉ាអ្នកម៉ាក់ផ្ដល់នៅអាហារប្រភេទងាយធ្វើឱ្យក្មេងអាលែកហ្ស៊ី (ឧ. ជាតិសណ្ដែក) សូមផ្ដល់ពីបរិមាណតិចទៅច្រើន ដែលវាជួយឱ្យរាងកាយក្មេងស្គាល់ និងចាំ ហើយពេលគាត់ញ៉ាំលើកក្រោយគាត់មិនងាយប្រឈមនឹងអាលែកហ្ស៊ី។

ក្មេងដែលអាលែកហ្ស៊ីនឹងជាតិសណ្ដែកមានរោគសញ្ញាអ្វីខ្លះ?

ក្មេងអាលែកហ្ស៊ីជាមួយជាតិសណ្ដែក អាចលេចឡើងនូវរោគសញ្ញាដូចខាងក្រោម ៖

· រាក ក្អួត ចុកពោះ ពិបាករំលាយអាហារ
· វិលមុខ ហូរទឹកភ្នែក
· រមាស់ស្បែក កន្ទាលត្រអាក ហើមអណ្ដាត ឬបបូរមាត់
· ក្អកជាប់គ្នាឥតឈប់ សម្លេងស្អក

· ដកដង្ហើមលឺសូរឃូងៗ វែងៗ​ ដង្ហើមខ្លី
· ក្នុងករណីកម្រ ក្មេងអាចប្រឈមនឹងស្ហុក (Shock) ដែលធ្វើឱ្យសម្ពាធឈាមធ្លាក់ចុះ និងពិបាកដកដង្ហើម។

មូលហេតុ និងកត្តាប្រឈមនៃអាលែកហ្ស៊ីជាតិសណ្ដែក?

មូលហេតុដែលបង្កឱ្យក្មេងមានបញ្ហាអាលែកហ្ស៊ីនឹងជាតិសណ្ដែក នៅតែមិនទាន់ដឹងច្បាស់ថាមកពីអ្វី ហើយហេតុអីបានជាគាត់លេចឡើងនៅការអាលែកហ្ស៊ីនឹងជាតិសណ្ដែកនេះ។

តែអ្នកជំនាញមួយចំនួន គាត់បានបង្ហាញថាវាអាចបណ្ដាលពីកត្តាហ្សែន និងមជ្ឈដ្ឋានជុំវិញគាត់។

វិធីសាស្រ្តក្នុងការការពារក្មេងពីអាលែកហ្ស៊ីជាតិសណ្ដែក?

ពិតណាស់! ការបញ្ចៀសនូវវិបត្តិអាលែកហ្ស៊ីនឹងជាតិសណ្ដែកនេះ មានភាពពិបាកខ្លាំង។ ប៉ុន្តែម៉ាក់ប៉ាអាចកាត់បន្ថយ និងបញ្ចៀសបញ្ហានេះបានមួយផ្នែក តាមរយៈ ៖

· បំបៅកូនដោយទឹកដោះម្ដាយតែមួយមុខគត់ក្នុងរយៈពេល៦ខែដំបូង ព្រោះទឹកដោះម្ដាយជួយដល់ការពង្រឹងប្រព័ន្ធការពាររាងកាយ និងកាត់បន្ថយវិបត្តិអាលែកហ្ស៊ីផ្សេងៗ
· ផ្ដល់អាហារបន្ថែម (solid diet) នៅពេលទារកអាយុ៦ខែ។ ផ្ដល់នូវបន្លែ ផ្លែឈើ ដូចជា ប៉ោម សេរី ចេក ដំឡូង ការ៉ុត -ល- ធ្វើការផ្ដល់មួយមុខម្ដងៗ រយៈពេលប្រមាណជា ៣ ទៅ ៥ ថ្ងៃ ដែលជួយដល់ការកំណត់ថា កូនៗរបស់ប៉ាម៉ាក់មានការអាលែកហ្ស៊ីលើអ្វីទេ។

ប្រភេទអាហារងាយបង្កនូវអាលែកហ្ស៊ីដូចជា ជាតិសណ្ដែកសៀង ស៊ុត សណ្ដែកដី -ល- គួរផ្ដល់នៅពេលដែលប៉ាម៉ាក់សង្កេតឃើញថា ទារកមិនធ្លាប់ប្រឈមនឹងអាលែកហ្ស៊ីណាមួយ។

ខ្សែសង្វាក់ផលិតផល Bimbosan Super Premium ត្រូវបានផលិតឡើងដោយគ្មានជាតិសណ្តែក គ្មានជាតិដូងប្រេង គ្មានជាតិស្ករ Sucrose និងគ្មានរសជាតិសិប្បនិម្មិត។ ទាំងអស់នេះមានក្នុងទឹកដោះគោម្សៅ Bimbosan របស់យើង ដែលត្រូវបានអនុលោមតាមអនុសាសន៍ចុងក្រោយបំផុតរបស់បទបញ្ញត្តិនៅសហគមន៍អឺរ៉ុប និងប្រទេសស្វីស៕

• អាហារ