កំពូលតារាចម្រៀង​ CL និងកំពូលតារាចម្រៀងជាច្រើនប្រចាំប្រទេសកម្ពុជា បានមកអង្រួនឆាក​ក្នុងមហាព្រឹត្តិការណ៍ដ៏ធំ Vattanac វ All in Festival

ភ្នំពេញ៖ ការប្រគុំតន្ត្រីដ៏អស្ចារ្យ​​ “VATTANAC វ ALL IN FESTIVAL” ដែលបានរៀបចំដោយក្រុមហ៊ុន ​ វឌ្ឍនៈ ប្រ៊ូវើរី បានប្រព្រឹត្តិទៅយ៉ាងជោគជ័យ និងរីករាយ​ នៅជិតរង្វង់មូលនាងមច្ឆា បរិវេណ OCIC ក្នុងក្រុងភ្នំពេញ នារាត្រីថ្ងៃសៅរ៍ ទី២៦ ថ្មីៗនេះ។​

វត្តមានដ៏ភ្ញាក់ផ្អើលរបស់តារាចម្រៀងអន្តរជាតិ KPOP ក៏ដូចជាម្ចាស់បទ SPICY កញ្ញា CL បានធ្វើឲ្យកក្រើកឆាកនិងការសម្តែងដ៏ប្លែកមិនធ្លាប់មាន អមជាមួយសម្រែកហូរកញ្រ្ជៀវ​ ដោយមានវត្តមានទស្សនិកជនរាប់ម៉ឺននាក់ បើទោះបីជាមេឃបង្អុរភ្លៀងយ៉ាងណាក៏ដោយ។​

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាប្រវត្តិសាស្រ្តលើកដំបូង ដែលអ្នកគាំទ្រមិនទៅណាឡើយ ពោលគឺស្រែករាំក្រោមដំណក់ទឹកភ្លៀងជាមួយនឹងវត្តមានរបស់កំពូលតារាចម្រៀង​ជួរមុខក្នុងស្រុកជាច្រើនរូបទៀត ដូចជា កញ្ញា មាស សុខសោភា ពូឃ្លាំង លោក នីកូ កញ្ញា រ៉ាប៊ី លោក G-Devith ព្រមទាំងអាយដលទាំង៤ ដែលកំពុងទទួលបានការគាំទ្រយ៉ាងខ្លាំងពីទស្សនិកជន គឺអាយដល លឹម តិចម៉េង ស៊ឹម ច័ន្ទពន្លឺ ថុល សុភិទិ និងនាង ដាវីន។​ បន្ថែមពីនេះក៏មានការប្រគុំតន្ត្រី EDM ពី DJ ដ៏ល្បី​និងស្រស់ស្អាត DJ AviDa ដើម្បីបន្តបទពិសោធន៍រាំសប្បាយ​រហូតដល់ចប់កម្មវិធីផងដែរ។

អ្នកឧកញ៉ា សំអាង វឌ្ឍនៈ អគ្គនាយកក្រុមហ៊ុន​ វឌ្ឍនៈ ប្រ៊ូវើរី បានមានប្រសាសន៍ក្នុងសន្និសីទកាសែតថា៖

យើងដឹងថាអតិថិជនដែលតែងតែគាំទ្រផលិតផលរបស់ក្រុមហ៊ុន​ វឌ្ឍនៈ ប្រ៊ូវើរី ដែលរួមមាន Vattanac Premium Beer, Dragon Premium Dark Beer, Krud Pilsner Beer ក៏ដូចជា ភេសជ្ជៈប៉ូវកំលាំងគ្រុឌ​ មានការផ្សារភ្ជាប់យ៉ាងខ្លាំងជាមួយនឹងតន្ត្រី ទាំងចម្រៀងជាតិ និងអន្តរជាតិ។ អាស្រ័យហេតុនេះទើបយើងខិតខំបង្កើតព្រឹត្តិការណ៍ប្រគុំតន្ត្រីជាច្រើនកន្លងមកមានដូចជា Krud Idol Concert, និងតន្រ្តីទេសចរណ៍តាមបណ្តាខេត្ត Krud Idol Tour Concert ទូទាំងប្រទេសកម្ពុជា ដោយផ្តល់នូវភាពសប្បាយ​រីករាយ និងការចាប់រង្វាន់ជាច្រើន។​ ដូចតាមការសន្យាយើងបាន​នាំយកមហា​ព្រឹត្តិការណ៍ដ៏អស្ចារ្យ “VATTANAC វ ALL IN FESTIVAL” ចូលរួមសម្តែងដោយតារាចម្រៀងអន្តរជាតិ​ CL ដែលជាព្រឹត្តិការណ៍​ប្រត្តិសាស្រ្តមួយ និងការចងចាំដ៏ល្អរបស់យើងទាំងអស់គ្នា៕