មិនដែលឃើញ ទិដ្ឋភាពក្នុងផ្ទះប្រណីត តម្លៃរាប់លានរបស់ David Beckham

បរទេស៖ មិនត្រឹមតែធ្លាប់ជាអតីតកីឡាករបាល់ទាត់ ដែលមានការគាំទ្រពីហ្វេនៗជាច្រើននោះទេ តែសម្រាប់ជីវិតរស់នៅបច្ចុប្បន្ន របស់ លោក David Beckham ក៏ត្រូវបានតាមដាន ពីសកម្មភាពផ្សេងៗ ជាពិសេស ការរស់នៅ នៅក្នុងគ្រួសាររបស់ លោកតែម្ដង។

យ៉ាងណាមិញ កាលពីថ្មីៗ​នេះ Victoria Beckham ដែលជាភរិយារបស់លោក បាន​ចែករំលែក​វីដេអូ​ខ្លី​មួយ ដែលបានទាក់ទាញចំណាប់អារម្មណ៍អ្នកទស្សនាទាំងឡាយ ដោយបានលេងសើច​ជាមួយ​ស្វាមី​របស់​នាង​ នៅលើ Instagram ខណៈដែលអតីតកីឡាកររូបនេះ បានតុបតែងខ្លួនពាក់​អាវយឺតធម្មតា រួម​ជាមួយ​វ៉ែនតា​។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលសំខាន់នោះគឺ ហ្វេនៗជាច្រើន បានមើលឃើញថា លោក David ក៏កំពុង​តែ​ផឹក​កាហ្វេ​មួយ​ពែង នៅ​ក្នុង​ផ្ទះបាយ ខណៈ​កំពុង​ច្រៀង​តាម​បទ​ភ្លេង​បុណ្យ​ណូអែល។ ហើយតាមរយៈវីដេអូនេះ ភរិយារបស់លោក ហាក់ដូចជាបានបង្ហាញផ្ទៃខាងក្នុងដ៏ប្រណីតនៃផ្ទះរបស់ពួកគេ ទៀតផង។

ម៉្យាងវិញទៀត ផ្ទះមួយនេះ ត្រូវបានគេដឹងថា David និង Victoria បានទិញនៅ West London ក្នុងតម្លៃ ៣១,៥ លានផោន (ប្រហែលជាង ៣៨លានដុល្លារ) ក្នុងឆ្នាំ ២០១៣ ដោយអ្នកទាំងពីរ បានជួសជុល និងរចនាវិមានទាំងមូលឡើងប្រណីត ហើយបន្ទាប់ពី៣ឆ្នាំ គ្រួសារពួកគេ ក៏បានបន្តរស់នៅជាមួយគ្នា នៅពាក់កណ្តាលឆ្នាំ ២០១៦៕

ប្រភព៖ Ngoisao.vn

សូមទស្សនារូបភាពខាងក្រោម៖ 

• តារាអន្តរជាតិ