កន្លងយូរឆ្នាំ តែសម្រស់ Selena នៅតែស្អាតគួរឲ្យសរសើរ មិនប្រែអីបន្តិច

បរទេស៖ កាលពីថ្មីៗនេះ តារាចម្រៀងស្រី Selena Gomez បានចូលរួម ការបញ្ចាំងភាពយន្តឯកសារ «My Mind & Me» នៅទីក្រុងញូវយ៉ក ដែលតាម​ការ​សង្កេតទៅលើការបង្ហាញខ្លួន តារាស្រីរូបនេះ បានតុបតែងខ្លួន ពាក់​អាវយឺត​ រួម​ជាមួយ​អាវ​វែង លេងស្ទាយ៍សក់រួញអង្កាញ់ ដើម្បីរំលេចសម្រស់ធម្មជាតិរបស់នាង។

តាមរយៈនេះដែរ បានធ្វើឲ្យអ្នកលេងអ៊ីនធើណេត បានទៅជីកកាយ រូបភាពចាស់ៗរបស់ Selena កាលពីឆ្នាំ ២០០៨ ខណៈដែលនៅពេលនោះ នាងក៏បានធ្វើម៉ូតសក់ដូចគ្នា រួមទាំងបានពាក់រ៉ូបពណ៌ខៀវផងដែរ។ ជាពិសេស បើ​ធៀប​នឹង​មុខមាត់កាលពីមុន និងពេលនេះ តារាស្រី Selena ហាក់មើលទៅ មិន​មានការផ្លាស់​ប្តូរ​អ្វី​ច្រើន​ទេ ដោយគ្រាន់តែមានបញ្ហា ទម្ងន់របស់នាង ដែលបានកើនឡើង តែប៉ុណ្ណោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរបញ្ជាក់ផងដែរថា ដោយសារតែបញ្ហាសុខភាពផ្លូវកាយ និងផ្លូវចិត្តនោះ គឺបានប៉ះពាល់ដល់រូបរាងកាយរបស់ Selena យ៉ាងខ្លាំង ហើយបានធ្វើឲ្យរូបនាង​ ​ត្រូវ​បាន​គេ​រិះគន់​ម្តង​ហើយ​ម្តងទៀត​ ចំពោះ​ទម្ងន់​ដោយ​មិន​អាច​គ្រប់គ្រង​បាន​៕

ប្រភព៖ Ngoisao.vn

សូមទស្សនារូបភាពខាងក្រោម៖ 

• តារាអន្តរជាតិ