សម្រស់ Simon Cowell ទៅជាបែបនេះ ឲ្យហ្វេន មើលមិនចង់ស្គាល់

បរទេស៖ ថ្មីៗនេះ យោងតាមគេហទំព័រ The Sun បានបង្ហាញថា នៅក្នុងវីដេអូចាប់ផ្តើមរដូវកាលថ្មីនៃកម្មវិធី «Britain's Got Talent» លោក Simon Cowell ដែលជាគណៈកម្មការ បានចាប់យកចំណាប់អារម្មណ៍ភ្លាមៗ ពីអ្នកគាំទ្រជាច្រើន ទៅលើទឹកមុខចម្លែ.ករបស់លោក។

នៅក្នុងនោះដែរ មានមនុស្សមួយចំនួន ​បាន​បញ្ចេញមតិ​ថា ស្បែក​មុខ​របស់ គណៈកម្មការ​រូបនេះ ហាក់បីដូចជា រលោង គ្មាន​ស្នាម ធ្មេញ​ស​ភ្លឺ​ថ្លា​ រហូតដល់អ្នក​ខ្លះ​ទៀត​ បែរជាលើកឡើងថា មើល​មិន​ស្គាល់មុខ ​ផលិតករដ៏​ល្បីរូបនេះ ទៅវិញ។ ​ទន្ទឹម​នឹង​នោះ អ្នក​ទស្សនា​ផ្សេង​ទៀត​ ក៏បាន​បន្ថែមថា រូបលោកកាន់តែ​មាន​រាង​ស្គ.ម ​ក្នុងវ័យ ៦៣ ឆ្នាំ ប៉ុន្តែ​មិន​ដឹង​ពីវិធីដែល លោក Simon បានអនុវត្ត​ឡើង ដើម្បី​ឱ្យ​ស្បែក​ភ្លឺ​រលោង​នោះ​ទេ បន្ទាប់​ពី​ បានបោះបង់​ចោល​ថ្នាំ Botox។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ យោងតាមកាសែតបរទេស New York Post ក៏បានលើកឡើងជារឿយៗថា លោក Simon Cowell កំពុងតែបានក្លាយជាប្រធានបទ នៃការពិភាក្សាក្នុងចំណោមអ្នកនិយមលេងអ៊ីនធឺណិត ដោយសារតែរូបរាងរបស់លោក បានផ្លាស់ប្តូរឥតឈប់ឈរ ផងដែរ៕

ប្រភព៖ Zingnews

សូមទស្សនារូបភាពខាងក្រោម៖ 

• តារាអន្តរជាតិ