មិនមែនធ្វើបានតាមចិត្ត Engfa ត្រូវគេថាធ្វើរឿងមិនសម ពេលទៅកន្លែងមួយនេះ

បរទេស៖ អាចនិយាយបានថា ចាប់តាំងពីថ្ងៃបញ្ចប់នៃការប្រកួត រហូតមកទល់នឹងពេលនេះ កម្មវិធីប្រលង Miss Grand International ហាក់ដូចជា បានក្លាយជាទីចាប់អារម្មណ៍យ៉ាងខ្លាំងពីមហាជន ជាមួយនឹងសកម្មភាពផ្សេងៗ ខណៈដែលតែងតែមានភាពចម្រូងចម្រាសខ្លះៗនៅក្នុងនោះ។

ជាពិសេស ថ្មីៗ​នេះ​ បញ្ហា​សម្លៀក​បំពាក់​របស់​បវរកញ្ញា​កំពូល​ទាំង ១០ នៅក្នុងកម្មវធីមួយ កំពុង​តែមាន​ភាព​ចម្រូងចម្រាស សាជាថ្មី​ម្ដង​ទៀត នៅពេលដែលត្រូវបានវិនិច្ឆ័យថា មិនមានភាពគ្រប់គ្រាន់សម្រាប់ការអនុញ្ញាតឱ្យពួកគេ ស្លៀកពាក់សិ.ច.ស៊ី នៅពេលទៅទស្សនាប្រាសាទដ៏ល្បីល្បាញនៅក្នុងទីក្រុង Hat Yai ។ យ៉ាងណាមិញ កញ្ញា Isabella Menin ដែលជាម្ចាស់ម្កុដ រួមទាំងលំដាប់រងទី ៥ នាង Oxana Isabel Rivera Álvarez ត្រូវបានគេនិយាយថា ស្លៀកសំលៀកបំពាក់សមរម្យ បំផុត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ផ្ទុយ​ទៅ​វិញ សម្រាប់បវរកញ្ញាលំដាប់រងទី១ Engfa Waraha លំដាប់រងទី ៣ Luiseth Materán, លំដាប់រងទី​ ​៤ Mariana Beckova, លំដាប់រងទី​៥ Roberta Tammondong បាន​ស្លៀក​សំពត់​ខ្លី និងអាវវាល​ឃើញសាច់ ខណៈ មានមតិ​ជា​ច្រើន​ បាន​សម្តែង​ការ​មិន​ពេញ​ចិត្ត​ ចំពោះបវរកញ្ញា ​ដែលធ្វើការ​មិន​ត្រឹមត្រូវ និង​គ្មាន​វិជ្ជាជីវៈ។

គួររំឮកផងដែរថា កាលពី​ប៉ុន្មាន​ថ្ងៃ​មុននេះ រូបភាពរបស់ Engfa Waraha ក៏ត្រូវ​បាន​ប៉ះ​ពាល់​យ៉ាង​ខ្លាំងពេល​ចូល​រួម​ក្នុង​រាត្រី​តន្ត្រី និង​សម្ដែង​ជាមួយ​តារា​រ៉េប​ប្រុស ដោយរូបនាងបានសម្ដែង​ក្បាច់​រាំ​យ៉ាងរ.សើ.ប នាំ​ឲ្យ​មាន​ការ​រិះគន់ និងត្រូវគេ​បញ្ចេញ​មតិ​ថា អ្វី​ដែល​នាងសម្ដែង​លើ​ឆាក​ គឺមិន​ស័ក្តិសម​ក្នុងនាមជាបវរកញ្ញាលំដាប់រងឡើយ៕

ប្រភព៖ Zingnews

សូមទស្សនារូបភាពខាងក្រោម៖ 

• តារាថៃ