គួរឲ្យសរសើរ! រវល់ការងារសិល្បៈពិតមែន កែវ ទិត្យផល្លី រៀនពូកែជាប់លេខ១ទៀត

ភ្នំពេញ៖ ជឿថាប្រិយមិត្តច្បាស់ជាស្គាល់ តារាស្រីវ័យក្មេង កែវ ទិត្យផល្លី ដោយនាងមានសមត្ថភាពសិល្បៈ អាចច្រៀងរាំ និងសម្ដែងបានទៀតផង។ ហើយបច្ចុប្បន្ន នាងកំពុងទទួលបានប្រជាប្រិយភាពខ្លាំង ជាពិសេសមានទទួលបានការងារច្រើនជាបន្តបន្ទាប់។ហើយនាងតូចរូបនេះ អាចចេះរកលុយតាំងពីតូច តាមរយៈការងារសិល្បៈផងដែរ។ 

យ៉ាងណាមិញ បើទោះបីនាងទទួលការងារច្រៀង ឬសម្ដែង ហើយមានភាពមមាញឹកជាមួយការថតយ៉ាងណាក្ដី ក៏កុមារី កែវ ទិត្យផ្លីនៅតែបន្តខិតខំប្រឹងប្រែងរៀនសូត្រ មិនបោះបង់ការសិក្សាឡើយ។ ហើយគេដឹងថា នាងតូចរូបនេះឆ្លាត ហើយថែមទាំងរៀនពូកែទៀតផង។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង ថ្មីៗនេះតារាចម្រៀង និងតារាសម្ដែង កែវ ទិត្យផល្លី បានបង្ហោះរូបភាពបង្ហាញពីលទ្ធផលដែលខ្លួនទទួលបានពីការខិតខំសិក្សា។ ដោយនាងទទួលបានចំណាត់ថ្នាក់លេខ១ ប្រចាំឆមាសទី២ក្នុងឆ្នាំ ២០២១-២០២២។ មិនតែប៉ុណ្ណោះ ការសិក្សាផ្នែកភាសាបរទេសនាងក៏ទទួលបានលទ្ធផលល្អទៀតផង។ ក្នុងនោះដែរ នាងក៏បានបង្ហាញឲ្យដឹងថា ប្អូនប្រុសបង្កើតក៏រៀនពូកែ និងបានលទ្ធផលល្អមិនចាញ់នាងឡើយ៕ 

សូមទស្សនារូបភាពខាងក្រោម៖

• រូបភាព
• តារាខ្មែរ