ទស្សនាវដ្ដីហិរញ្ញវត្ថុ The Banker សាទរ ABA ក្នុងនាមជា ធនាគារឆ្នើមបំផុតប្រចាំឆ្នាំនៅកម្ពុជា ជាលើកទី5

ភ្នំពេញ៖ ធនាគារ ABA ​ដែលជាធនាគារពាណិជ្ជធំបំផុតនៅកម្ពុជាគិតលើទ្រព្យសកម្ម, ប្រាក់បញ្ញើ, កម្ចីដុល, ប្រាក់បញ្ញើអតិថិជននិងប្រាក់ចំណេញ ផ្អែកលើរបាយការណ៍ត្រួតពិនិត្យប្រចាំឆ្នាំ 2021 របស់ធនាគារជាតិនៃកម្ពុជា, ទទួល​បាន​ពានរង្វាន់​ដ៏​មាន​កិត្យានុភាព ​ "​ធនាគារ​ឆ្នើម​បំផុត​ប្រចាំឆ្នាំ​ 202​2 នៅ​កម្ពុជា"​ ពី​ទស្សនាវដ្ដី​​ហិរញ្ញវត្ថុ The​ Banker​ ដែល​ជា​គ្រឹះស្ថាន​បោះ​ពុ​ម្ពផ្សាយ​ធនាគារ​ និង​ហិរញ្ញវត្ថុ​របស់​ Financial​ Times​ Group​ (​ទីក្រុង​ឡុ​ង​ដ៏​ ចក្រភព​អង់គ្លេស​)​ ជាលើកទី 5។​ ឆ្នាំ​នេះ​ ទស្សនាវដ្ដី​​បានប្រារព្ធ​ពិធី និងប្រកាសម្ចាស់ជ័យលាភីនៅក្នុងកម្មវិធីប្រចាំឆ្នាំរបស់ខ្លួននៅទីក្រុងឡុងដ៏។

ធនាគារ ABA ទទួលបានការកោតសរសើរយ៉ាងខ្លាំង ចំពោះកិច្ចខិតខំប្រឹងប្រែងក្នុងការកែលម្អ និងអភិវឌ្ឍសេវាធនាគាររបស់ខ្លួន ក៏ដូចជាយុទ្ធសាស្ដ្ររបស់ធនាគារ ដែលផ្តោតសំខាន់ទៅលើបច្ចេកវិទ្យានវានុវត្តន៍ និងផលិតផល សេវាកម្មឌីជីថល។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងឆ្នាំ 2022 ធនាគារ​បាន​បង្កើន​សមត្ថភាព​កម្មវិធី​ធនាគារ​លើ​ទូរស័ព្ទ​របស់​ខ្លួន ​ដើម្បីផ្ដល់សេវាកម្មកាន់តែងាយស្រួល។ កម្មវិធីទទួលបានមុខងារ ABA QR ដោយបានភ្ជាប់ទៅនឹងកូដ KHQR ស្ដង់ដារថ្នាក់ជាតិ។ មុខងារនេះ អនុញ្ញាតឲ្យអតិថិជន ABA ទទួលប្រាក់ទូទាត់ពីអតិថិជនធនាគារផ្សេង ដែលស្ថិតនៅក្នុងប្រព័ន្ធទូទាត់បាគងរបស់ធនាគារជាតិនៃកម្ពុជា​ដោយឥតគិតថ្លៃ។

អតិថិជន ABA ដែលជាអ្នកប្រើសេវាបើកប្រាក់បៀវត្ស ឥឡូវអាចទទួលបានអត្ថប្រយោជន៍ពីសេវា កម្ចីប្រាក់បៀវត្ស ក្នុង ABA Mobile។ មុខងារនេះផ្ដល់ហិរញ្ញប្បទានរហ័សសម្រាប់ការប្រើប្រាស់ផ្ទាល់ខ្លួន ដោយមិនចាំបាច់មានលក្ខខណ្ឌទ្រព្យតម្កល់ ហើយផ្ដល់ជូននូវជម្រើសបង់ផ្ដាច់បានគ្រប់ពេលវេលា។

ថ្មីៗនេះ ABA ​បានណែនាំគណនី Junior នៅលើកម្មវិធីធនាគារទូរស័ព្ទរបស់ខ្លួន។ កម្មវិធីនេះអនុញ្ញាតឲ្យកុមារ ឬក្មេងជំទង់អាយុពី 10-17 ឆ្នាំ អាចប្រើសេវាធនាគារទំនើប និងឧបករណ៍បែបឌីជីថលជាច្រើនទៀត តាមកម្មវិធី ABA Mobile ​ផ្ទាល់ខ្លួនរបស់ពួកគេ។ គណនី Junior ​លើកទឹកចិត្តឲ្យកុមារមានទម្លាប់ល្អក្នុងការចាត់ចែងលុយកាក់ និងយល់ដឹងអំពីសារៈសំខាន់នៃការសន្សំ។

គណៈវិនិច្ឆ័យក៏បានសាទរធនាគារចំពោះការដាក់ដំណើរការម៉ាស៊ីនបើកកាតដំបូងគេនៅកម្ពុជាផងដែរ។ ឥឡូវ អតិថិជនអាចស្នើបើកកាតប្លាស្ទិករបស់ខ្លួនបានពីកម្មវិធី ABA Mobile ​ហើយអញ្ជើញទៅបើកផ្ទាល់ពីម៉ាស៊ីនបើកកាត ABA ​ ដោយប្រើពេលមិនដល់ 2 នាទី។ សេវាកម្មនេះទទួលបានការគាំទ្រយ៉ាងច្រើនពីអតិថិជន ABA​ ដោយកាតចំនួន 200,000 ត្រូវបានបើកពីម៉ាស៊ីនបើកកាត។

លោក Askhat Azhikhanov នាយកប្រតិបត្តិធនាគារ ABA ​មានប្រសាសន៍ថា៖

លោកបានបន្ថែមថា៖

លោក Joy Macknight និពន្ធនាយករបស់ទស្សនាវដ្ដី​​ហិរញ្ញវត្ថុ The Banker មានក្នុងឱកាស​នោះថា៖

ពានរង្វាន់​របស់ទស្សនាវដ្ដី​​ហិរញ្ញវត្ថុ The​ Banker​ គឺជា​ស្ដង់ដា​រគំរូ​នៅ​ក្នុង​វិស័យ​ធនាគារ​ ពី​គ្រឹះស្ថាន​បោះ​ពុ​ម្ភ​អន្ដរជាតិ​លំដាប់​ពិភពលោក​ ដែល​មានវ័យ​ចំណាស់​ជាងគេ​ ហើយ​ ABA​ បាន​ទទួល​ពានរង្វាន់​កំពូល​រួច​មក​ហើយ​ កាល​ពី​ឆ្នាំ​ 2014,​ 2016​,​ 2019 និង​ឆ្នាំ 2021​។​

ធនាគារ​ ABA​ មានទ្រព្យ​សកម្ម​សរុប​ 8.8​ ពាន់លាន ​ដុល្លារអាមេរិក​ គិត​ត្រឹម​ថ្ងៃ​ទី​ 30​ ខែវិច្ឆិកា​ ឆ្នាំ​ 2022​ ហើយ​បច្ចុប្បន្ន​គ្រប់គ្រង​ជាង​ 2.5​ លាន​គណនី​ តាម​រយៈ​បណ្ដាញ​សាខា​ចំនួន​ 85​ សាខា​ ម៉ាស៊ីន​ស្វ័​យ​ធនាគារ​ 1000+​ គ្រឿង​ និង​កម្មវិធី​ធនាគារ​អន​ឡាញ​សម្រាប់​អាជីវកម្ម​ និង​ធនាគារ​តាម​ទូរស័ព្ទ​ដ៏​ទំនើប​៕