អ្នកណាថារៀបការចាយលុយភរិយា! មកដឹងទំហំសាច់ប្រាក់ ស្វាមីបច្ចុប្បន្ន សាន់ឆាយ មិនចាញ់អ្នកមុន

តៃវ៉ាន់់៖ ជីវិត​គូស្វាមី ភរិយា DJ Koo និងតារាស្រី Barbie Hsu នៅ​តៃវ៉ាន់ ត្រូវ​បាន​សារព័ត៌មាន​លើក​ឡើង​គ្រប់​ពេល​វេលា។ តារា​ចម្រៀង​ប្រុស​រូប​នេះ​រស់​នៅ​ក្នុង​ផ្ទះ​វីឡា​ប្រណិត​ទំហំ 720 ម៉ែត្រការ៉េ របស់ ភរិយានៅ​កណ្តាល​ក្រុង​តៃប៉ិតែម្តង។

តាម​ការ​ចោទ​ប្រកាន់​ពី​លោក Wang Xiaofei អតីត​ស្វាមី​ម្ចាស់ Meteor Garden ដ៏​ស្រស់​ស្អាតថាតារាប្រុសរូបនេះ មិន​បាន​ចំណាយ​ប្រាក់​មួយ​កាក់​ដើម្បី​មើល​ថែ​ប្រពន្ធ​កូន​ឡើយ ដែលនេះបានក្លាយជាប្រធានបទសារជាថ្មី ដោយ ធ្វើឱ្យ DJ Koo ត្រូវបានគេស្គាល់ថាជាសត្វបាឡាំងកាស សេដ្ឋកិច្ចពឹងផ្អែកលើប្រពន្ធទៅវិញ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ យោងតាម QQ តារាប្រុសរូបនេះ មានទ្រព្យសម្បត្តិយ៉ាងច្រើនគួរឲ្យកត់សម្គាល់ជាមួយនឹង ប្រាក់ចំណូលបានមកពីសិល្បៈ និងអាជីវកម្មផ្សេងៗ តាមប្រភពមួយតារាចម្រៀងប្រុសកូរ៉េរូបនេះ រកចំណូលបានជាង ៤.៨ លានដុល្លារ បន្ទាប់ពីរៀបការបាន ៧ ខែជាមួយ Barbie Hsu ។

ក្នុងនោះ អាពាហ៍ពិពាហ៍​ជាមួយ​តារាស្រីល្បី​តៃវ៉ាន់​ដ៏​ស្រស់​ស្អាត​ជួយ​ឱ្យ​ឈ្មោះ DJ Koo មានប្រជាប្រិយភាពម្ដង​ទៀត និង​ទទួល​បាន​អត្ថប្រយោជន៍​យ៉ាង​ខ្លាំង។ ដោយឡែក​សម្រាប់​ទីផ្សារ​តៃវ៉ាន់ ប្រាក់​បៀវត្សរ៍​សម្រាប់​ការ​សម្តែង​ពាណិជ្ជកម្ម​មួយ​ ពី ១សែន ទៅ ២សែនដុល្លារអាមេរិក។

ក្រៅ​ពី​សកម្មភាព​សិល្បៈ Koo Jun Yup ក៏​ពង្រីក​មុខ​ជំនួញ​ផង​ដែរ ជាមួយនឹងការបង្កើតយីហោម៉ូដមួយ បើកហាងសាច់អាំងនៅប្រទេសកូរ៉េ ហើយគ្រប់គ្រងវាដោយខ្លួនឯងអស់រយៈពេលជាច្រើនឆ្នាំ ដោយទទួលបានប្រាក់ចំណេញយ៉ាងច្រើន។ មិនត្រឹមតែប៉ុណ្ណោះ ការលក់ផលិតផលសិល្បៈនៅលើទីផ្សារពាណិជ្ជកម្ម NFT ក៏ជួយប្តីរបស់ សាន់ ឆាយ ចូលហោប៉ៅបានលុយយ៉ាងច្រើនផងដែរ។

ទៀតសោត គ្រួសាររបស់តារាប្រុសរូបនេះ បានរស់នៅក្នុងតំបន់ Hannam-dong ដែលមានទេសភាពនៃទន្លេ Han និងមានសុវត្ថិភាពខ្ពស់ ដែលជាអ្នកជិតខាងរបស់តារាកម្សាន្តកំពូល ៗ ជាច្រើនដូចជា Lee Young Ae Song Hye Kyo ក្នុងនោះធ្លាប់​បាន​រាយការណ៍​ថា អចលនទ្រព្យ​ជាង ៣០០ ម៉ែត្រការ៉េ​របស់​តារា​ចម្រៀង​ប្រុស​រូប​នេះ​មាន​តម្លៃ ៣ ពាន់​លាន​វ៉ុន (២,២ លាន​ដុល្លារ)។

យ៉ាងណាមិញ ក្រោយពីប្រមូល គិតត្រួសៗ​ របស់ តារាប្រុសរូបនេះ បានធ្វើឲ្យមហាជន ចំហរមាត់ ជាមួយនឹងទ្រព្យសម្បត្តិ យ៉ាងច្រើនពិតជាមិនធម្មតាឡើយ ដោយគេបានគិតថា តារាស្រី សាន់ ឆាយសុទ្ធសឹងតែមានស្វាមី ពូកែរកស៊ី ដោយអ្នកមុន និងអ្នកក្រោយ ពិតជាមិនចាញ់គ្នាប៉ុន្មាននោះទេ៕

ប្រភព៖ zingnews

សូមទស្សនារូបភាពខាងក្រោម៖

• តារាចិន